قازاقستان دەنساۋلىق ساقتاۋ مينيسترلىگى كوروناۆيرۋس پەن پنيەۆمونيانىڭ زەرتحانادا راستالعان دەرەكتەرىن بىرگە ساناۋ تۋرالى شەشىم قابىلدادى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ايتىلدى.
دەنساۋلىق ساقتاۋ ءمينيسترى الەكسەي سوي دۇنيەجۇزىلىك دەنساۋلىق ساقتاۋ ۇيىمى ەۋروپا بيۋروسىنىڭ ماماندارىمەن كەڭەسە كەلە قازاقستاندا COVID-19-دىڭ راستالعان دەرەكتەرىنىڭ ستاتيستيكاسىن پسر-تەستتە تەرىس ناتيجە كورسەتكەن، ءبىراق كلينيكالىق بەلگىلەرى بار پنيەۆمونيا ستاتيستيكاسىمەن بىرىكتىرۋ تۋرالى شەشىم قابىلدانعانىن ايتتى.
ىندەتتىڭ حالىقارالىق كلاسسيفيكاسياسىنىڭ كودى پايدالانىلعان بىرىكتىرىلگەن ستاتيستيكا 1 تامىزدان باستاپ ۇسىنىلادى.
مينيستر سونداي-اق 2020 جىلدىڭ 1 قاڭتارىنان 15 شىلدەگە دەيىن قازاقستاندا 234 187 ادامنىڭ پنيەۆمونياعا شالدىققانىن ءمالىم ەتتى. بۇل بىلتىرعى سەيكەس كەزەڭنەن 3،3 ەسەگە كوپ. پنۆمونيا جۇقتىرعان 234 787 ادامنىڭ 3327ء-ى قايتىس بولعان. بىلتىر بۇل كەزەڭدە 1 896 ادام اتالعان اۋرۋدان كوز جۇمعان.
بۇعان دەيىن ددسۇ، شەتەل جانە قازاقستان عالىمدارى قازاقستاندا ءورشىپ تۇرعان پنيەۆمونيانىڭ ءىس جۇزىندە كوروناۆيرۋس ەكەنىن ءمالىم ەتكەن.
كەشە پرەزيدەنت توقايەۆ ۇكىمەتكە پاندەميا ستاتيستيكاسىن بىرىزدەندىرۋدى تاپسىرعان.
پىكىر قالدىرۋ