الەۋمەتتىك مەديسينالىق ساقتاندىرۋ قورىنىڭ بۇرىنعى باسشىسى قور قاراجاتىن ۇرلادى دەگەن كۇدىككە ءىلىندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى 1ء-شى دەپارتامەنتىنىڭ اعا تەرگەۋشىسى قايسار بارجاقسىنوۆ مالىمدەدى.
– سىبايلاس جەمقورلىققا قارسى قىزمەت ساتىپ الىناتىن قىزمەتتەردىڭ قۇنىن كوتەرۋ ارقىلى "الەۋمەتتىك مەديسينالىق ساقتاندىرۋ قورى كەاق-نىڭ قاراجاتىن جىمقىرۋ فاكتىسى بويىنشا سوتقا دەيىنگى تەرگەۋدى باستادى. ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە اقپارات تەرگەۋ مۇددەسى ءۇشىن جاريالانبايدى، – دەدى ول.
بۇعان دەيىن پرەزيدەنت قاسىم-جومارت توقايەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا "الەۋمەتتىك مەديسينالىق ساقتاندىرۋ قورى" كەاق باسقارما ءتوراعاسى ا.ن. جۇماعۇلوۆ قىزمەتىنەن بوساتىلعان بولاتىن.
پىكىر قالدىرۋ