الماتى وبلىسىنداعى №03825 اسكەري بولىمشەسىنىڭ كومانديرى مەن وسى بولىمشەنىڭ ءبولىم باسشىسى پارا الۋ جانە پارا بەرۋگە دەلدال بولۋ كۇدىگىنە ءىلىندى. بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگى 1ء-شى دەپارتامەنتىنىڭ اعا تەرگەۋشىسى قايسار بارجاقسىنوۆ مالىمدەدى.
– الماتى وبلىسىنىڭ سىبايلاس جەمقورلىققا قارسى قىزمەتى №03825 اسكەري بولىمشەسىنىڭ كومانديرى مەن وسى بولىمشەنىڭ ءبولىم باسشىسىنا قاتىستى سوتقا دەيىنگى تەرگەۋدى باستادى، – دەدى قايسار بارجاقسىنوۆ.
ونىڭ ايتۋىنشا، اسكەري بولىمشەنىڭ كومانديرى كەلىسىمشارت بويىنشا اسكەري قىزمەتشىدەن تارتىپتىك جازانى الىپ تاستاۋ ءۇشىن پارا العان، ال ءبولىم باسشىسى اتالعان فاكت بويىنشا پارا بەرۋگە دەلدال بولعان.
– ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريالانبايدى، – دەپ اتاپ ءوتتى ول.
پىكىر قالدىرۋ