پرەزيدەنت توقايەۆ كوروناۆيرۋس ىندەتىنىڭ تارالۋ احۋالى جونىندەگى ۆەدومستۆوارالىق كوميسسيانىڭ وتىرىسىندا مەملەكەتتىك ورگانداردىڭ تاراپىنان ۇيلەستىرۋ جۇمىستارى دۇرىس جۇرگىزىلمەگەندىكتەن، حالىق ماسەلەنى ءوز بەتىمەن شەشۋگە تالپىنىپ جاتقانىن ايتتى.
– مەملەكەتتىك ورگانداردىڭ تاراپىنان ۇيلەستىرۋ جۇمىستارى دۇرىس جۇرگىزىلمەگەندىكتەن، حالىق بۇل ماسەلەنى ءوز بەتىمەن شەشۋگە تالپىنۋدا. بۇل ەشقانداي قيسىنعا ساي كەلمەيدى! ازاماتتار وندىرىستىك باللوندارعا قۇيىلعان وتتەگى ساتىپ الىپ جاتىر. بۇل اۋرۋحانالاردىڭ تىكەلەي مىندەتى. جەكە ۇيلەر مەن پاتەرلەردە وندىرىستىك باللوندارىنداعى وتتەگىنى پايدالانۋ دەرەكتەرى انىقتالعان. ۇكىمەت پەن اكىمدەر بەس كۇن ىشىندە اۋرۋحانالاردى وتتەگىمەن قامتاماسىز ەتۋ جانە ءۇي جاعدايىندا وتتەگى باللوندارىن پايدالانۋ پروبلەمالارىن شەشۋى كەرەك، – دەدى مەملەكەت باسشىسى.
پىكىر قالدىرۋ