بۇگىن شىعىس قازاقستان وبلىسىنىڭ اكىمى دانيال احمەتوۆ تاتارستان رەسپۋبليكاسىنان كەلگەن دارىگەرلەرمەن كەزدەستى.

اتالمىش دارىگەرلەر توبى وسكەمەنگە تاجىريبە الماسىپ، كوروناۆيرۋسقا شالدىققان ناۋقاستاردى ەمدەۋدە كومەكتەسۋگە كەلگەن. 

12 ادامنان تۇراتىن توپتىڭ ىشىنە پۋلمونولوگ، انەستەزيولوگ-رەانيماتولوگ، رەنتگەنولوگ سىندى ماماندار جانە ينفەكسيالىق اۋرۋحانا دارىگەرلەرى مەن قىزمەتكەرلەرى كىرگەن.

ەستەرىڭىزگە سالا كەتسەك، وسى ۋاقىتقا دەيىن وبلىس اكىمى دانيال احمەتوۆ تاتارستان رەسپۋبليكاسىنىڭ پرەزيدەنتى رۋستاموم ميننيحانوۆپەن اتالمىش ماسەلە بويىنشا كەلىسسوز جۇرگىزگەن. 

– شىعىس قازاقستاندا مەديسينانىڭ دامۋى ءۇشىن بارلىق جاعداي جاسالىپ جاتىر. ساتىپ الىنعان زاماناۋي تەحنيكالار ىسكە قوسىلىپ، تۇرعىندارعا قىزمەت كورسەتىپ كەلەدى. قازىرگى ىندەتتىڭ الدىن الۋ ماقساتىندا سىزدەرمەن تاجىريبە الماسىپ، جاقسى كورسەتكىشكە قول جەتكىزەمىز دەگەن سەنىمدەمىن، – دەدى دانيال احمەتوۆ. 

كەلگەن ماماندار 2 كۇن ارالىعىندا اۋدان جانە قالا اۋرۋحانالارىنىڭ دارىگەرلەرىمەن ونلاين بايلانىسقا شىعىپ، كەڭەس بەرىپ، جاعدايمەن تانىسادى. كەيىننەن وسى اي سوڭىنا دەيىن ءار اۋدانعا ءبولىنىپ، دارىگەرلەرگە كومەكتەسەتىن بولادى. 

– ايماقتارىڭىزدا كوروناۆيرۋسپەن كۇرەسۋ ءۇشىن ءوجج، وتتەگى كونسەنتراتورلارى سىندى جابدىقتار كوپتەپ ساتىپ الىنىپتى. بۇل دۇرىس شەشىم. جالپى ەكى ەلدىڭ قولدانىپ وتىرعان ادىس-تاسىلدەرى ۇقساس. الايدا سونىڭ وزىندە بىرلەسىپ جاڭا تاجىريبە جيناقتايمىز دەپ ويلايمىن، – دەدى كەلگەن توپتىڭ جەتەكشىسى، تاتارستان رەسپۋبليكاسى ورتالىق كلينيكالىق اۋرۋحاناسى باس دارىگەرىنىڭ ءبىرىنشى ورىنباسارى مارسەل ميننۋلين.

شقو اقپارات ورتالىعى