شىمكەنت قالاسى اسار مولتەك اۋدانىنا قاراستى ينفەكسيالىق اۋرۋحانادا قايتىس بولعان ناۋقاستىڭ تانىسى داۋرەن بولىس ۆيدەو ءتۇسىرىپ، مەيىرگەرلەردىڭ ءدارى سۇراعانىن ايتتى. ونىڭ سوزىنشە، اۋرۋحانانىڭ باس دارىگەرى ءدارى جەتكىلىكتى ەكەنىن ءمالىم ەتكەن. بەينەجازبانى Facebook پاراقشاسىندا جاريالادى.

"قايىرلى كەش قۇرمەتتى اعايىندار، تۋىستار، باۋىرلار. مەن ءقازىر شىمكەنتتەگى اسار مولتەك اۋدانىنداعى ينفەكسيالىق اۋرۋحانا الدىندا تۇرمىن. اعام ومىردەن وزدى. اللا راھىمىنا السىن! جيىرما كۇندەي وسى اۋرۋحانادا جاتتى، سوڭعى ون كۇندە جانساقتاۋ بولىمىنە ءتۇسىپ قالعان ەدى. بۇگىن قايتىس بولدى. ءبىر وكىنىشتىسى جالعىز ۇلى وسىنشا ۋاقىت شىرىلداپ وسى اۋرۋحاناعا ءدارى تاسىدى. مەن بۇگىن وسى اۋرۋحانانىڭ باس دارىگەرى عاني دەگەن جىگىتپەن سويلەستىم. اعام اۋىرىپ جاتىر، ءبىراز كۇننەن بەرى بالاسى قىمبات دارىلەر تاسىپ جاتىر دەدىم. ول كىسى "ەشقانداي ءدارى قاجەت جوق قوي، نەگە تاسيدى" دەدى. وسىندا جاتقان اعامنىڭ بايلانىس تەلەفونىنان مەدبيكەلەر بالاسىنا، قىزىنا، ايەلىنە حابارلاسىپ وتىرعان. تۇندە بولسىن، كۇندىز بولسىن. ءدارى كەرەك، جەتكىزىڭىزدەر دەپ وتىرعان. باس دارىگەر "كىم ول حابارلاسقان، ەشقانداي ءدارىنىڭ قاجەتى جوق" دەيدى. سوندا بۇل تۇسىنىكسىز جاعداي بولىپ تۇر. بۇل ءدارى ساۋداسى ما نە بولدى سوندا؟ جالعىز ۇلى ءبىراز كۇننەن بەرى ءدارى تاسىدى. باس دارىگەر وزىمىزدە ءدارى بار دەيدى، ءبىراق مەدبيكەلەر قانشا كۇننەن بەرى سۇراتىپ وتىرعان. ول دارىلەر ناۋقاسقا سالىندى ما، جوق پا قۇداي بىلەدى. سىبايلاس جەمقورلىق قارسى ءىس-قيمىل اگەنتتىگى تاعى دا باسقا تەكسەرۋ مەكەمەلەرى وسىنى نازارلارىڭىزعا الىڭىزدار. بۇنداي باسسىزدىقتى توقتاتۋ كەرەك. باس دارىگەر قىزمەتكەرلەرىڭىز قالاي جۇمىس ىستەيدى ءوزى؟" دەلىنگەن ۆيدەودا. 

اراعا ءبىر ساعاتتاي ۋاقىت سالىپ داۋرەن بولىس تاعى دا ءوز پاراقشاسىندا تىكەلەي ەفير ءتۇسىردى.

"مەنىڭ ايتايىن دەگەنىم. مىنا بالاسىن قانشا ۋاقىت بويى ساندالتىپ، ءدارى ىزدەتكەن دارىگەرلەر، مەدبيكەلەر قالاي بولسا دا تابىلۋ كەرەك. مەن ءقازىر باس دارىگەر عاني دەگەن ازاماتپەن جولىقتىم. ول ماعان ۋادە بەردى "ارنايى بەينەباقىلاۋدان قاراپ ىزدەيمىز" دەپ. بۇل جەردە ءبىراق كۇمان بار، ولار بەينەباقىلاۋداعى جازبالاردى ءوشىرىپ تاستاۋى مۇمكىن. وزدەرىنىڭ قاۋىپسىزدىكتەرىن ويلاپ. تاعى ءبىر ماسەلە اعامنىڭ مەديسينالىق كىتاپشاسى، سونىڭ بارلىعى وزگەرىسكە ۇشىراۋى مۇمكىن. ولار بىر-ەكى كۇندە بارلىعىن دۇرىستاپ جىبەرۋى مۇمكىن. اعامنىڭ تەلەفونىمەن حابارلاسىپ ءدارى سۇراتقان ادامداردىڭ ءاتى-جونىن سۇراسا تۇتقانى قويا سالعان ەكەن. ەسىمدەرىن انىقتاۋ سول ماسەلە بولىپ تۇر بىزگە. بۇل قاراۋسىز قالماۋ كەرەك. دەنسالىق ساقتاۋ ءمينيسترى سوي مىرزا بۇل ماسەلەنى باقىلاۋعا الىڭىز. باسقا دا ءتيىستى مەكەمەلەر باقىلاۋىنا السىن" دەدى ناۋقاستىڭ تانىسى تىكەلەي ەفيردە. 

مەيىرگەرلەردى ايىپتاپ بەينەجازبا تۇسىرگەن داۋرەن بولىس ءوزىنىڭ پاراقشاسىنداعا ۆيدەولاردى ءوشىرىپ تاستادى.