پاندەميا كەزىندە العى شەپتە جۇمىس ىستەيتىن قىزمەتكەرلەردىڭ جەكە قورعانىس قۇرالدارى ءۇشىن ۇكىمەت رەزەرۆىنەن 7،2 ميلليارد تەڭگە ءبولىندى. بۇل تۋرالى دەنساۋلىق ساقتاۋ ءمينيسترى الەكسەي سوي ۇكىمەت وتىرىسىندا حابارلادى.
– العى شەپتەگى قىزمەتكەرلەردىڭ جەكە قورعانىس قۇرالدارىنىڭ رەزەرۆى قالىپتاستى. ۇكىمەت رەزەرۆىنەن بۇل ماقساتقا 7،2 ملرد تەڭگە ءبولىندى. وسى جۇمىستار اياسىندا 41 ملن ماسكا، 27 ملن قولعاپ پەن 379 مىڭ قورعانىس كوستيۋمى جانە 1،2 ملن پتر-تەست ساتىپ الىنادى، – دەدى ول ۇكىمەت وتىرىسىندا.
ءمينيستردىڭ ايتۋىنشا، ەلدە ءبىر رەتتىك ءۇش قاباتتى مەديسينا ماسكاسىنىڭ باعاسى 28 پايىزعا ارزانداعان. سونداي-اق ول 2021 جىلدىڭ قىركۇيەگى مەن اقپان ارالىعىنا ارناپ جەكە قورعانىس قۇرالدارىنان رەزەرۆ جاسالاتىنىن ايتتى.
پىكىر قالدىرۋ