ءبىز قازاق باسىمىزدان تالاي قيىن-قىستاۋ كەزەڭدەردى، وقيعالاردى وتكىزدىك. ءقازىر جاسى توقسانعا كەلىپ وتىرعان مەنىڭ ءوزىم اشارشىلىقتىڭ، سوعىستىڭ كۋاگەرىمىن.
سول ناۋبەتتەر كەزىندە ەت جاقىندارىمىزدان ايىرىلدىق. تەك ەكىنشى دۇنيەجۇزىلىك سوعىستىڭ وزىندە قانشاما قازاق قىناداي قىرىلدى. ءبىراق ءبىزدىڭ حالىق قانداي اۋىر كەزەڭدەردە دە ادامگەرشىلىكتى ساقتاي بىلگەنىن ۇمىتپاۋىمىز كەرەك. ءوز باسىنا كۇن تۋعان كەزەڭدەردە دە باسقالارعا قول ۇشىن سوزۋدى ادامدىق پارىز دەپ ەسەپتەدى. قازاقتىڭ وزگە ۇلتتارعا پانا بولعانىن ايتپاي-اق، تەك «لەنينگرادتىق ورەنىم» دەيتىن جامبىل اتامىزدىڭ ايگىلى جىرىن ەسكە تۇسىرسەك تە جەتكىلىكتى. سول جىردىڭ مىڭداعان لەنينگرادتىققا كۇش بەرگەنى، جۇباتقانى، بەيبىت ومىرگە تالپىندىرعانى كۇنى كەشەگىدەي ەسىمىزدە.
وتانداستارىمدى، جالپى باۋىرلارىمدى وسى قاءۋىپءتى ءارى قاتەرلى ىندەت كەزىندە سابىر ساقتاۋعا شاقىرامىن. ەڭ الدىمەن جاسى ءۇلكەن اتا-اجەلەرىڭدى، بالا-شاعالارىڭدى قورعاپ، ولاردىڭ ءومىرىنە قاءۋىپ ءتوندىرمەڭدەر دەگىم كەلەدى. كارانتين تالاپتارىن ورىنداپ، تارتىپكە باعىنساق، شىدامدىلىق تانىتساق، ءبىز كۇتكەن جاقسى كۇندەر ەرتەرەك تۋاتىنى انىق. ءيا، ول ءبىزدىڭ سابىرىمىزعا، ءتوزىمىمىزگە بايلانىستى بولىپ تۇر. باسقا تۇسكەن قيىندىقتى سابىرمەن عانا جەڭەءمىز. بۇل جاعداي تەك ءبىزدىڭ ەمەس، دۇنيەءجۇءزى حالىقتارىنىڭ باسىنان ءوتىپ جاتىر. سول ءۇشىن ءبىرىنءشى كەزەكتە ازاماتتىق ءقادىر-قاسيەتىمىزگە كولەڭكە تۇسپەسە ەكەن. وتانداستارىما دا وسىنى تىلەيءمىن. ەت جاقىندارىمىزدى دا بارىنشا قورعايىق، ازاماتتىعىمىزدى دا جوعالتپايىق.
مۇنداي قيىن-قىستاۋ شاقتا مەملەكەتىمىزدىڭ باسشىسى قاسىم-جومارت توقايەۆتىڭ ءتوڭىرەگىنە توپتاسىپ، تىعىرىقتان شىعۋ جولدارىن بىرلەسە ىزدەگەءنىمىز ءجون دەپ بىلەمىن.
تورەگەلدى شارمانوۆ،
قازاق تاعامتانۋ اكادەمياسىنىڭ پرەزيدەنتى، اكادەميك،
مەملەكەتتىك سىيلىقتىڭ لاۋرەاتى
پىكىر قالدىرۋ