21 شىلدە ساعات 14.00-دەگى جاعداي بويىنشا 1 ملن 169 مىڭ ادامعا 42 500 تەڭگە مولشەرىندە ءبىرجولعى تولەم تاعايىندالدى. بۇل تۋرالى ەڭبەك جانە الەۋمەتتىك قورعاۋ مينيسترلىگى حابارلادى.

تولەم تابىسىنان ايىرىلعان 1 ملن 169 مىڭ ادامعا تاعايىندالدى. ال 1 ملن قازاقستاندىققا اتالعان قاراجات اۋدارىلعان.

مينيسترلىكتىڭ حابارلاۋىنشا، مەملەكەتتىك الەۋمەتتىك ساقتاندىرۋ قورىنان وتىنىمدەر بىرنەشە ارنالار ارقىلى قابىلدانادى. 1 ميلليون 567 مىڭ ءوتىنىمنىڭ ىشىندە:

– 755،8 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى؛

– 383،7 مىڭ ادام Egov.kz پورتالى جانە telegram-بوتتار ارقىلى؛

– 117،3 مىڭ ادام  42500.enbek.kz پورتالى ارقىلى؛

– 310،3 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى ءوتىنىش بەرگەن.

ازاماتتاردىڭ ساناتتارى بولىنىسىندە:

– 755،8 مىڭ ءوتىنىش ءبىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا)؛

– 71 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەردى؛

– 740،3 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر؛ جەكە پراكتيكامەن اينالىساتىن ادامدار؛ ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).

الەۋمەتتىك تولەمگە ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.