جىل باسىنان بەرى قازاقستانداعى سىبايلاس جەمقورلىق دەڭگەيى 10%-عا تومەندەدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى ولجاس بەكتەنوۆ ايتتى. 

– ەسەپتى كەزەڭدە اسا اۋىر قىلمىستاردى انىقتاۋ مەن جولىن كەسۋ ءۇش ەسەگە، ال اۋىر سىبايلاس جەمقورلىق قىلمىستارىن انىقتاۋ مەن جولىن كەسۋ 10%-عا ءوستى. سىبايلاس جەمقورلىقتى اشكەرەلەيتىن ادامداردىڭ سانى ارتتى، ءاربىر بەسىنشى ادام – مەملەكەتتىك ورگاننىڭ نەمەسە ۇيىمنىڭ باسشىسى. جالپى قىلمىستىق جاۋاپكەرشىلىككە 28 رەسپۋبليكالىق، 65 وبلىستىق، 72 قالالىق جانە اۋداندىق دەڭگەيدەگى باسشى تارتىلدى، – دەدى ول.

اگەنتتىك وكىلىنىڭ ايتۋىنشا، وتەلگەن شىعىن سوماسى 33،3 ملرد تەڭگەنى قۇراپ، وتكەن جىلدىڭ كورسەتكىشىنەن ايتارلىقتاي اسىپ ءتۇستى.