الەۋمەتتىك جەلىلەردە كوروناۆيرۋس ىندەتىنەن كوز جۇمعان بالالار تۋرالى اقپاراتتىڭ جالعان ەكەنى بەلگىلى بولدى. بۇنى قازاقستان دەنساۋلىق ساقتاۋ ۆيسە-مينيسترى اجار گينيات ورتالىق كوممۋنيكاسيالار قىزمەتىندە وتكەن بريفينگتە حابارلادى.
ونىڭ ايتۋىنشا، قازىرگى كەزدە ەل بويىنشا COVID-19 جۇقتىرعان 73 400 ادام تىركەلگەن. ونىڭ 61،8 پايىزى جازىلىپ شىقتى. پنيەۆمونياعا شالدىققان 8 مىڭعا جۋىق ادام اۋرۋحانالاردا ەمدەلىپ جاتىر.
– مامىر ايىنان بەرى مىڭنان اسا بالا اۋىرعان. اۋرۋحانالاردا 100-دەن استام بالا جاتىر. ولاردىڭ بارلىعى كوروناۆيرۋستىق ينفەكسيانىڭ جەڭىل تۇرىنە شالدىققان. اۋرۋدان كوز جۇمعاندار اراسىندا بالالار جوق، – دەدى ۆيسە-مينيستر.
پىكىر قالدىرۋ