دەنساۋلىق ساقتاۋ ءمينيسترى الەكسەي سوي ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا كوروناۆيرۋس ينفەكسياسىنان 59 مەديسينا قىزمەتكەرى قايتىس بولعانىن ايتتى.

– ءتىزىمدى ءبىز ايماقتاردان الىپ، ەڭبەك جانە حالىقتى الەۋمەتتىك قورعاۋ مينيسترلىگىنە جولدادىق. وسى كۇنگە دەيىن جۇمىس ورىندارىندا مەديسينالىق قىزمەتكەرلەردىڭ كوروناۆيرۋس جۇقتىرۋىنىڭ 123 جاعدايى تىركەلدى. ونىڭ ىشىندە 59 مەديسينا قىزمەتكەرى كوز جۇمدى، – دەدى الەكسەي سوي.

ونىڭ ايتۋىنشا وتەماقى بەرۋ ماسەلەسىن جاۋاپتى ۇيىم جۇرگىزەدى.

– ءبىزدىڭ مىندەت – ءتىزىمدى جيناپ، تاپسىرۋ. تىزىمنەن بولەك سول دارىگەردىڭ ناقتى قايدا – ۇيىندە الدە جۇمىستا جۇقتىرعانى قارالاتىن ەپيدەميولوگيالىق كارتا بار. ياعني ناقتى ەپيداناليز بار، – دەدى مينيستر.

دەنساۋلىق ساقتاۋ مينيسترلىگى 3-19 شىلدە ارالىعىندا قازاقستاندا كوروناۆيرۋس ينفەكسياسىنان 210 ادام قايتىس بولعانىن مالىمدەگەن.