ءماجىلىس دەپۋتاتتارى ايماقتاردا قوعامدىق باقىلاۋ اياسىندا كوروناۆيرۋس ىندەتىمەن كۇرەس بويىنشا قابىلدانعان شارالاردىڭ تيىمدىلىگىنە ەرەكشە نازار اۋدارۋدا.

ءماجىلىس دەپۋتاتتارى ءۋاليحان قاينازاروۆ، ساكەن قانىبەكوۆ جانە مانسۇرحان ماحامبەتوۆ شىمكەنت قالاسىنداعى مەديسينالىق مەكەمەگە، ياعني 16 ماۋسىمنان باستاپ 30 ورىندىق پروۆيزورلىق بولىمگە اينالعان كارديولوگيالىق ورتالىققا باردى.

بۇل جەردە كوروناۆيرۋس جانە پنيەۆمونيا دياگنوزى قويىلعان جانە اۋىر جۇرەك-قان تامىرلارى اۋرۋلارى بار ەمدەلۋشىلەرگە قاجەتتى كومەك كورسەتىلەۋدە. بولىمدە جاساندى تىنىس الۋ اپپاراتى ءتيىمسىز بولىپ، ەرەكشە اۋىر جاعدايلاردا قولدانىلاتىن ەكMO تەحنولوگياسىن (ەكستراكورپورالدى مەمبرانا وتتەگىمەن) پايدالانۋ مۇمكىندىگى بار.

ۋاقىتشا ءبولىمنىڭ جۇمىسى بارىسىندا ەكى جاقتى اۋىر پنيەۆمونيا جانە كوروناۆيرۋستىق ينفەكسيامەن بايلانىستى جۇرەك-قان تامىرلارى اسقىنۋلارى بار 126 ەمدەلۋشى ساۋىعىپ شىققان.

مەديسينا قىزمەتكەرلەرىمەن اڭگىمەلەسۋ بارىسىندا ءماجىلىس دەپۋتاتتارى پروۆيزورلىق ءبولىم قىزمەتكەرلەرى جەكە قورعانىس قۇرالدارىمەن جانە كۇنىنە ءۇش رەت تاماقتانۋمەن قامتاماسىز ەتىلگەنىنە كوز جەتكىزدى. 

سونىمەن قاتار، دارىگەرلەر كوتەرگەن پروبلەمالىق ماسەلەلەردىڭ ءبىرى – قوسىمشا جاساندى تىنىس الۋ اپپاراتتارى، مونيتورلار جانە پەرفۋزەرلەرگە قاجەتتىلىك بار. ال، وتتەگى قاجەتتىلىگىن قاماماسىز ەتۋ ءۇشىن، وتتەگى ستانسياسىن سالۋ قاجەتتىلىگى تۋرالى دا ماسەلە كوتەرىلدى. اتالعان ستانسيانى ورناتۋعا قاراجات تابۋ قالا اكىمدىگىنىڭ الدىنا قويىلدى.

سونداي-اق، قازىرگى ۋاقىتتا كارديو ورتالىقتا جوسپارلى وتا جاساۋ مۇمكىن ەمەستىگى سياقتى پروبلەمالارعا (كورونوگرافيا جانە جۇرەك تامىرلارىن ستەنتتەۋ جانە ت.ب.) ەرەكشە نازار اۋدارىلدى. ويتكەنى، كارديولوگيالىق ورتالىققا تەك شىمكەنت قالاسىنىڭ تۇرعىندارى عانا ەمەس، سونىمەن بىرگە تۇركىستان وبلىسىنىڭ تۇرعىندارى جۇگىنەدى.

ءماجىلىس دەپۋتاتتاى ءدارىحانالار مەن ءدارىحانا قويمالارىنا بارىپ، جاعدايدى تۇراقتاندىرۋ بويىنشا قابىلدانعان شارالاردىڭ ناتيجەلەرىمەن تانىستى. ايتا كەتۋ كەرەك، دارىلىك زاتتاردى اكەلۋ ءتارتىبىن جەڭىلدەتۋ ءدارىحانالاردى قاجەتتى دارى-دارمەكتەرمەن قامتاماسىز ەتۋدى ايتارلىقتاي جاقسارتقان.

ءماجىلىستىڭ باسپا ءسوز قىزمەتى