COVID-19-دىڭ جەڭىل تۇرىمەن اۋىرىپ، ۇيلەرىنە شىعارىلعان ناۋقاستار قاجەتتى دارى-دارمەكپەن قامتاماسىز ەتىلەدى. بۇل تۋرالى الماتى قالاسىنىڭ اكىمى باقىتجان ساعىنتايەۆ "الماتى" تەلەارناسىندا وتكەن Akimat Live باعدارلاماسىنىڭ تىكەلەي ەفيرىندە سۇراقتارعا جاۋاپ بەرۋ كەزىندە ايتتى.

اكىم ستاسيونارلاردى قاجەتتى دارى-دارمەكتەرمەن قامتاماسىز ەتۋ ماسەلەسىنە تۇسىنىكتەمە بەردى.

– ەگەر پاسيەنت امبۋلاتورلىق ەمدەلۋدە بولسا نەمەسە ستاسيوناردان ۇيگە ەمدەلۋگە شىقسا، وندا ءبىز ونى تولىق كولەمدە قامتاماسىز ەتۋىمىز كەرەك. ءقازىر ءبىز ناقتى كەرەك ءتىزىم بويىنشا بارلىق كلينيكالارىمىزدى، ءاربىر ەمحاناداعى قورلاردى ەسەپكە الدىق (COVID-19 بەن كۇرەس اياسىندا). سوندا ناۋقاس مەملەكەتتەن بۇل دارى-دارمەكتەردى تولىق الۋى كەرەك. بۇل پاسيەنتتەر ءبىزدىڭ ءموبيلدى بريگادالاردىڭ باقىلاۋىندا، – دەپ اتاپ ءوتتى ب. ساعىنتايەۆ.