الماتى اكىمى باقىتجان ساعىنتايەۆ "الماتى" تەلەارناسىنداعى Akimat Live باعدارلاماسىندا قالاداعى وكپەنىڭ قابىنۋىنا ۇشىراعان ناۋقاستاردىڭ جاعدايىن ءتۇسىندىرىپ ءوتتى.

قالا اكىمى ماۋسىم ايىندا ناۋقاستار سانىنىڭ وسكەنىن ايتتى.

– جىل باسىنان بەرى قاراي وكپە قابىنۋىنا ۇشىراعان 6175 ناۋقاس جازىلىپ شىقتى. ەگەر وسى دەرت شارىقتاپ تۇرعان كەزدە ەمدەۋ ورىندارىنا 300 ناۋقاس تۇسسە، ءقازىر ولاردىڭ سانى – 133، – دەپ اتاپ ءوتتى باقىتجان ساعىنتايەۆ.

اكىم ءىرى ءارى كوپبەيىندى اۋرۋحانالاردىڭ باس دارىگەرلەرىمەن كۇندەلىكتى سويلەسىپ تۇراتىنىن جانە قانشا ادامنىڭ ەمدەلىپ جاتقانىن، اۋرۋحانالارداعى جاعداي تۋرالى حاباردار بولاتىنىن جەتكىزدى.

– مىسالى، اۋرۋ شارىقتاپ تۇرعان كەزدە 7ء-شى كلينيكاعا 100 ناۋقاسقا دەيىن تۇسەتىن، سوڭعى كەزدەرى ەمدەلۋگە جاتقىزىلاتىندار سانى 15-20 ادام. 4ء-شى كلينيكادا دا، جمجا-دا، 1ء-شى كلينيكادا دا ناۋقاستار سانى كۇرت ازايعان. ياعني، وكپە قابىنۋىنا ۇشىراعان ناۋقاستاردى ەمدەۋ ورىندارىنا جاتقىزۋ 2 ەسەگە تومەندەدى، – دەپ حابارلادى قالا اكىمى.