دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) اتقارۋشى ديرەكتورى مايك رايان كوروناۆيرۋسقا قارسى جاپپاي ۆاكسيناسيا جاساۋ ۋاقىتىن ايتتى، دەپ حابارلادى Reuters. 

ونىڭ ايتۋىنشا، زەرتتەۋشىلەر كوروناۆيرۋسقا قارسى ۆاكسينالاردى ازىرلەۋدە ايتارلىقتاي تابىسقا قول جەتكىزدى. ولاردى جاپپاي قولدانۋدى 2021 جىلدىڭ باسىنا دەيىن كۇتۋدىڭ قاجەتى جوق. 

– ءبىز ايتارلىقتاي تابىسقا قول جەتكىزدىك. بىرنەشە ۆاكسينا قازىرگى ۋاقىتتا ءۇشىنشى فازا سىناعىنان ءوتىپ جاتىر، – دەدى رايان. 

راياننىڭ پىكىرىنشە، ددسۇ الەۋەتتى ۆاكسينالارعا قول جەتكىزۋدى جانە وندىرىستىك قۋاتتىلىقتى كەڭەيتۋ ءۇشىن جۇمىس ىستەيدى. 

– بۇل كوروناۆيرۋسقا قارسى ۆاكسينا بايلارعا دا، كەدەيلەرگە دە ارنالماعان، ولار بارىنە ارنالعان، – دەدى ول. 

بۇعان دەيىن اقش ۇكىمەتى Pfizer Inc پەن نەمىس BioNTech بيوتەحنولوگيالىق كومپانياسىنا ەگەر COVID-19 ۆاكسيناسىنىڭ ءقاۋىپسىز جانە ءتيىمدى ەكەندىگى انىقتالعان بولسا، 100 ميلليون دوزا ءۇشىن 1،95 ميلليارد دوللار تولەۋگە دايىن ەكەنىن مالىمدەگەن بولاتىن. 

21 شىلدەدە ق ر دەنساۋلىق ساقتاۋ ءمينيسترى الەكسەي سوي بريفينگتە قازاقستان كلينيكالىق زەرتتەۋلەردىڭ ناتيجەسىنەن كەيىن كوروناۆيرۋسقا قارسى ۆاكسينالاردى ساتىپ الۋ تۋرالى شەشىم قابىلدايتىنىن ايتتى. 

– قازىرگى ۋاقىتتا ءبىز ءارتۇرلى ەلدەردىڭ ۆاكسينالارىن زەرتتەپ جاتىرمىز. جەتكىزۋ مەرزىمى ۆاكسينانىڭ كلينيكالىق سىناقتاردىڭ بارلىق كەزەڭدەرىنەن ءوتىپ، جالپى حالىق ءۇشىن قولدانۋعا رۇقسات ەتىلگەندىگى تۋرالى رەسمي راستاۋ بولعان كەزدە بايلانىستى بولادى، – دەدى دەنساۋلىق ساقتاۋ مينيسترلىگىنىڭ باسشىسى. 

سونداي-اق سوي قازاقستاننىڭ رەسەيمەن ۆاكسينالاردى جەتكىزۋ تۋرالى الدىن-الا كەلىسىمدەرى بار ەكەنىن ايتتى.