"رەسەي ۇلىبريتانيا ارمياسىن تەك جارتى كۇندە جويىپ جىبەرۋى مۇمكىن" دەيدى اعىلشىن ساراپشىلار. بۇل تۋرالى لوندوندا شىعاتىن Daily Express باسىلىمى حابارلادى.
باسىلىمنىڭ جازۋىنشا، 2017 جىلى ۇلىبريتانيانىڭ اسكەري ساراپتاما ورتالىعى جاساعان باياندامادا وسىنداي اقپاراتتار جاريالانعان. "تاريحي قاقتىعىستاردى تالداۋ جانە زەرتتەۋ ورتالىعىنىڭ" (CHACR) مالىمەتتەرى بويىنشا، اعىلشىن ارمياسى بىرنەشە جىل بويى اسكەري بيۋدجەتتىڭ تۇراقتى تۇردە قىسقارتىلۋىنان زارداپ شەگىپ وتىر.
ەكى كۇندىك سەميناردان كەيىن جاسالعان بۇل قۇجات بىرككەن كورولدىكتىڭ رەسەي شابۋىلىنا ۇشىراعاندا سالدارى قالاي بولاتىنىن ساراپتاعان.
"بىزگە بوگدە مەملەكەتتىڭ تىكەلەي شابۋىل جاساۋ ءقاۋپى ءتونىپ تۇرعان جوق" دەپ جازىلعان قۇجاتتا، دەگەنمەن ۇلىبريتانياعا باسقا ەل شابۋىل جاساعان جاعدايدا، بىرنەشە ىقتيمال سەنارييلەر كورسەتىلگەن.
گازەتتىڭ جازۋىنشا، 2014 جىلى رەسەيلىك ارتيللەريا مەن زىمىران باتارەيالارى بىرنەشە مينۋت ىشىندە ۋكراينالىق ەكى باتالوندى جويىپ، كۇشىن دالەلدەگەن.
پىكىر قالدىرۋ