"5 جاسار قىزدىڭ ۇرلانعانىنا بايلانىستى حالىق كوتەرىلىپ جاتىر" دەلىنگەن ساتبايەۆ قالاسىندا جاعداي تۇراقتاندى. وقيعا ورنىنا قاراعاندى وبلىسىنىڭ اكىمى جەڭىس قاسىمبەك بارا جاتىر. بۇل تۋرالى وبلىس اكىمدىگىنىڭ باسپا ءسوز قىزمەتى حابارلادى.

اكىمدىك تاراتقان حابارلاماعا قاراعاندا 23 شىلدە  كۇنى ساعات 21.00-دە ساتبايەۆ قالاسىنىڭ پوليسياسىنا جەزقازعان قالاسىنىڭ تۇرعىنى حابارلاسىپ، ءوزىنىڭ 5 جاسار قىزىنىڭ جوعالعانى تۋرالى حابارلاعان. ارتىنشا پوليسيا مەن ەرىكتىلەر ىزدەستىرىپ، بالا كوپ قاباتتى ۇيدەن تابىلعان. قىز بالا اۋرۋحاناعا جەتكىزىلگەن، كۇدىكتى ۇستالعان. 

الايدا ۇستالعان ازاماتتىڭ ءۇيىنىڭ جانىندا كۇدىكتىنى قولىنا بەرۋدى تالاپ ەتكەن ءبىر توپ ادام جينالعان. اكىمدىك وسىعان بايلانىستى قۇقىق قورعاۋ ورگاندارىنىڭ قىزمەتكەرلەرى  جۇمىلدىرىلعانىن حابارلادى. 

اكىمدىك مالىمەتىنشە، قازىرگى ۋاقىتتا قالاداعى جاعداي تۇراقتانعان، ادامدار وقيعا ورنىنان تاراعان.