قازاقستان دەنساۋلىق ساقتاۋ مينيسترلىگىنىڭ 25 شىلدە تاڭەرتەڭگى دەرەگى بويىنشا، وتكەن تاۋلىكتە ەلدە 1740 ادامنان كوروناۆيرۋس تابىلعان. ۆەدومستۆو ولاردىڭ 816-سىندا اۋرۋدىڭ كلينيكالىق بەلگىلەرى جوق ەكەنىن حابارلادى.
مينيسترلىك تاراتقان اقپاراتقا قاراعاندا وتكەن تاۋلىكتە COVID-19 جۇقتىرعاندار جونىنەن نۇر-سۇلتان قالاسى كوش باسىندا. سوڭعى تاۋلىكتە ەل استاناسىندا 251 ادامنىڭ كۆي جۇقتىرعانى انىقتالعان. ال ەلدىڭ ەڭ ءىرى قالالارىنىڭ ءبىرى الماتىدا 220 ادامنان ينفەكسيا تابىلعان.
سوڭعى رەسمي اقپاراتقا ساي، ەلدە ناۋرىزدان بەرى ەسەپتەگەندە 80 مىڭنان اسا ادامعا COVID-19 جۇققان. وسى ۋاقىتقا دەيىن ولاردىڭ 50 مىڭعا جۋىعى اۋرۋىنان جازىلىپ شىقتى، 535ء-ى كوز جۇمدى.
سوڭعى كورسەتكىشتى ەسەپكە العاندا قازاقستان كوروناۆيرۋس جۇقتىرعاندار سانى جونىنەن الەم ەلدەرىنىڭ اراسىندا 27-ورىندا تۇر.
پىكىر قالدىرۋ