اقمولا وبلىسىندا بلوكبەكەتتەن پوليسەيلەردىڭ قارا دجيپ كولىگىن وتكىزىپ جىبەرگەنى كامەراعا ءتۇسىپ قالعان. ۆيدەو Intagram جەلىسىندەگى zhaloby.astana پاراقشاسىندا جاريالاندى.
ۆيدەو اۆتورىنىڭ ايتۋىنشا، پوليسيا قىزمەتكەرلەرى دجيپ جۇرگىزۋشىسىن تەلەفون قوڭىراۋىنان كەيىن بلوكبەكەتتەن وتكىزىپ جىبەرگەن. ال ءوزىن بلوكبەكەتتەن ارى قاراي جىبەرمەگەن.
اقمولا وبلىسى پوليسيا دەپارتامەنتى الەۋمەتتىك جەلىدە شۋ تۋدىرعان وسى ۆيدەودان كەيىن دجيپ جۇرگىزۋشىسىن انىقتاپ، ونىڭ بۋراباي كۋرورت ايماعىنا نە سەبەپتى وتكىزىلگەنىن ءتۇسىندىردى.
"رەسمي تەكسەرۋ بارىسىندا اتالعان كولىكتىڭ جۇرگىزۋشىسى ترياتلوننان قازاقستان قۇراماسىنىڭ باس جاتتىقتىرۋشىسى ە.ۆ.سولوۆيەۆ ەكەنى انىقتالدى. ول بۋراباي كۋرورت ايماعىندا ءبىر اپتا بويى جاتتىعادى، وقۋ-جاتتىعۋ وتكىزۋگە رەسمي رۇقساتى بار. جاتتىقتىرۋشىنىڭ جەكە كۋالىگى بولماعان. سوندىقتان كولىك جۇرگىزۋشىسى ءوزىنىڭ جاتتىقتىرۋشى ەكەنىن جانە كىرۋگە رۇقساتىن بار ەكەنىن راستاۋ ءۇشىن تەلەفون سوققان" دەلىنگەن اقمولا وبلىسى پوليسيا دەپارتامەنتىنىڭ باسپا ءسوز قىزمەتى تاراتقان حابارلامادا.
پوسموترەت ەتۋ پۋبليكاسيۋ ۆ Instagram
پىكىر قالدىرۋ