ستاتيستيكالىق مالىمەتتەر بويىنشا وتكەن جىلى ەلدە 2800-دەن استام پەدوفيل تىركەلگەن.
ءقازىر رەسپۋبليكالىق تۇزەۋ مەكەمەلەرىندە كامەلەتكە تولماعاندارعا زورلىق-زومبىلىق كورسەتىپ، قىلمىس جاساعان 1600-گە جۋىق ادام جازاسىن وتەپ جاتىر.
اتالعان قىلمىستىق ىستەر بويىنشا تولىق اقپاراتتى infopublic.pravstat.kz سايتىنان كورۋگە بولادى. وندا پەدوفيلدىڭ ءارقايسىسى جايلى مالىمەت، ءاتى-جونى، ءتۇرى-تۇسى، جاسى تولىق كورسەتىلگەن.
سايتتا جاپا شەككەن بۇلدىرشىندەر تۋرالى دا اقپارات بار. ولاردىڭ ەڭ كىشكەنتايى ەكى جاستا. قىلمىسقا بارعانداردىڭ ەڭ جاسى 30-عا جا تولماسا، ۇلكەنى 80 جاستا.
باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى پەدوفيلدەر تۋرالى دەرەكتەردىڭ ەلەكترون كارتاسىن بىرنەشە جىل بۇرىن ۇسىنعان بولاتىن. وندا ايماقتار مەن قىلمىس جاساۋ مەرزىمدەرى بويىنشا اقپارات اشىق جاريالانعان.
پىكىر قالدىرۋ