"تالگو" پويىزىنىڭ ەكى باعىت بويىنشا قوزعالىسى ۋاقىتشا توقتاتىلادى. بۇل تۋرالى "جولاۋشىلار تاسىمالى" اق باسپا ءسوز قىزمەتى حابارلادى.

مەكەمەنىڭ باسپا ءسوز قىزمەتىنىڭ حابارلاۋىنشا، ەلدەگى ەپيدەميولوگيا جاعدايىنا بايلانىستى جولاۋشىلاردىڭ ەكى باعىت بويىنشا پويىزعا سۇرانىسى ازايعان.

"قوعامنىڭ قارجى ماسەلەسىندەگى قولايسىزدىقتىڭ الدىن الۋ ماقساتىندا، سۇرانىس از بولىپ وتىرعان "تالگونىڭ ەكى كوممەرسيالىق جولاۋشىلار پويىزىنىڭ ءجۇرۋىن ۋاقىتشا توقتاتۋ تۋرالى شەشىم قابىلدادى:

№ 69/70 "الماتى-2 – وسكەمەن-1" باعىتىنداعى پويىز الماتىدان جونەلتىلۋى 1 تامىزدان باستاپ، وسكەمەننەن كەلۋى/جونەلتىلۋى 2 تامىزدان باستاپ؛

№ 51/52 "الماتى-2 – ورال" باعىتىنداعى پويىز الماتىدان 2 تامىزدان باستاپ، ورالدان كەلۋى/جونەلتىلۋى 4 تامىزدان باستاپ" دەلىنگەن حابارلامادا.

وسى ەكى پويىزعا جول ءجۇرۋ قۇجاتىن (بيلەت) الىپ قويعان جولاۋشىلار اقشالارىن تولىق قايتارىپ الا الادى.