سولتۇستىك كورەيا شەكارالاس قالادا العاشقى COVID-19 كۇدىگىنە بايلانىستى توتەنشە جاعداي جاريالادى. بۇل تۋرالى ءقامشى ءتىلشىسى Reuters-كە سىلتەمە جاساپ حابارلايدى.
پحەنيان مەملەكەتتىك باق-تارى كيم چەن ىننىڭ توتەنشە جاعداي جاريالاپ، شەكالاراس اۋداندى جاپقانىن حابارلاعان .
"ەگەر بۇل راستالسا، سولتۇستىك كورەيا بيلىگى مويىنداعان العاشقى كوروناۆيرۋستىق جاعداي" دەپ جازدى Reuters.
سولتۇستىك كورەيانىڭ KCNA مەملەكەتتىك جاڭالىقتار اگەنتتىگى حابارلاعانداي، كيم چەن ىن بۇل وقيعانى "قاتەرلى ۆيرۋستىڭ ەلگە ەنگەنىن ايتۋعا بولاتىن داعدارىستى جاعداي" دەپ اتاپ، ساياساتكەرلەرمەن شۇعىل جينالىس شاقىرعان.
ال كون حي ۋنيۆەرسيتەتىنىڭ پروفەسسورى چۋ دجە ۆۋ "سولتۇستىك كورەيانىڭ بۇل ءىستى مويىنداۋى ماڭىزدى جاڭالىق. پحەنيان الەمنەن كومەك سۇراۋى ىقتيمال. مۇمكىن گۋمانيتارلىق كومەك ءۇشىن شىعار" دەپ مالىمدەگەن.
پىكىر قالدىرۋ