الماتى اۋەجايىنا ازاماتتىق اۆياسيانىڭ ءبىرىنشى بورتى كەلدى، ال ەكىنشى بورت بۇگىن كەشىرەك كۇتىلۋدە. ازاماتتىق اۆياسيانىڭ ەكى بورتى ماسكەۋدەن 55 توننا مەديسينالىق دارى-دارمەك جەتكىزدى، وندا كوروناۆيرۋس ينفەكسياسى مەن پنيەۆمونيانى ەمدەۋگە ارنالعان، ۆيرۋسقا قارسى جانە دەنە قىزۋىن تۇسىرەتىن پرەپاراتتار، انتيكواگۋليانتتار مەن انتيبيوتيك بار. بۇل تۋرالى قازاقپارات حابارلادى.

جۋىردا قازاقستان ءدارىحانالارىنا 150 مىڭعا جۋىق «ازيتروميسين» تابلەتكاسى، ميلليونعا جۋىق «سەفترياكسون»، «تاميفليۋ» پرەپاراتىنىڭ 150 مىڭ پاكەتى، «اربيدولدىڭ» 50 مىڭ وراماسى جانە ارنايى رەيستەرمەن كەلگەن باسقا دا قاجەتتى مەديسينالىق پرەپارات تۇسەدى.

«بۇل دارى-دارمەك ءبىر ايعا جەتكىلىكتى. كەلگەند ارى-دارمەكتەر بىركەلكى ۇلەستىرىلىپ، جاقىن كۇندەرى وڭىرلەرگە جەدەل جەتكىزىلەدى. وسى بورت كەلەسى ءاپتاداۇندىستاننان دا دارى-دارمەك تاسىمالدايدى. دارى-دارمەكپەن قامتاماسىز ەتۋدىڭ قولجەتىمدىلىگىن ارتتىرۋ جانە دارى-دارمەكتەرگە بارلىق قاجەتتىلىكتى جابۋ ماقساتىندا مۇنداي ءىس-شارالار اي سايىن ۇيىمداستىرىلاتىن بولادى» دەلىنگەن حابارلامادا.

ۆەدومستۆونىڭ مالىمدەۋىنشە، دارى-دارمەكتى ازاماتتىق اۆياسيا كوميتەتىنىڭ ارنايى بورتتارىمەن جەدەل جەتكىزۋ – نارىقتى جوعارى سۇرانىسقا يە دارى-دارمەك پەن جەدەل قامتاماسىز ەتۋ ءۇشىن ۇكىمەت ازىرلەگەن شارالاردىڭ ءبىرى. مۇنداي رەيستەر قازاقستانداعى ءدارىحانا جەلىلەرىن تۇراقتى تۇردە دارى-دارمەكپەن تولىقتىرىپ وتىرادى.