الماتىعا دارى-دارمەكتەردى ۋاقتىلى جەتكىزۋ قاجەتتىلىگىنە بايلانىستى قالا اكىمى باقىتجان ساعىنتايەۆتىڭ تاپسىرماسىمەن قالانىڭ ستاسيونارلىق اۋرۋحانالارىن قاجەتتى دارى-دارمەكتەرمەن جانە باسقا قۇرالدارمەن قامتاماسىز ەتۋگە ارنالعان تاۋلىك بويى قىزمەت ەتەتىن ارنايى شتاب قۇرىلدى، بۇل تۋرالى وڭىرلىك كوممۋنيكاسيالار قىزمەتىنىڭ بريفينگى بارىسىندا الماتى قالاسى اكىمىنىڭ ورىنباسارى ساپاربەك تۇياقبايەۆ مالىمدەدى.

الماتىداعى اۋرۋحانالاردا جاتاتىن ورىنداردىڭ كەڭەيۋىنە بايلانىستى ستاسيونارلىق اۋرۋحانالارداعى پاسيەنتتەر سانى، سونىمەن قاتار دارى-دارمەكتەرگە دەگەن قاجەتتىلىك ارتتى.

«وسىعان بايلانىستى اكىمدىكتىڭ باستاماسىمەن تاۋلىك بويى اۋرۋحانالارعا دارى-دارىمەكتەر، تۇرمىستىق زاتتار مەن اۋىز سۋ جەتكىزەتىن ارنايى شتاب قۇرۋ تۋرالى شەشىم قابىلداندى»، — دەدى ساپاربەك تۇياقبايەۆ.

سونداي-اق، ول ستاسيونارلىق اۋرۋحانالاردا دارى-دارمەكتەردى دارىگەردىڭ نۇسقاۋىمەن تەگىن تاراتۋ جۇزەگە اسىرىلاتىن ءدارىحانالار بار ەكەنىن اتاپ ءوتتى.