COVID-19 كوروناۆيرۋستىق ينفەكسياسىنىڭ تارالۋىن ەسكەرتۋ ماقساتىندا الماتى تۇرعىندارىنىڭ اراسىندا الماتى قالاسىنىڭ باس مەملەكەتتىك سانيتار دارىگەرىنىڭ قاۋلىسىمەن 14 شىلدەدەن باستاپ ۇلتتىق ساياباقتار مەن تۋريستىك ورىندارعا بارۋدا جەكەلەگەن شەكتەۋلەر ەنگىزىلدى.
اتاپ ايتقاندا، ۇلتتىق ساياباقتار اۋماعىنا، تانىمال تۋريستىك جانە تاۋلى نىساندارعا (مەدەۋ، بۋتاكوۆكا، الما-اراسان، سونىمەن بىرگە، رادوندى قاينار بۇلاعى) كەز كەلگەن كولىكپەن بارۋعا تىيىم سالىنادى. دەمالىس كۇندەرى ۇلتتىق ساياباقتار كەلۋشىلەر ءۇشىن جابىق.
جۇمىس كۇندەرى تەك جاياۋ سەرۋەندەۋگە كەلەسى ەرەجەلەردى ساقتاعان جاعدايدا رۇقسات ەتىلەدى:
- ىشەتىن سۋسىننان باسقا ازىق-تۇلىك ونىمدەرىن اكەلىپ، پيكنيك ۇيىمداستىرىپ، الاۋ جاعۋعا قاتاڭ تىيىم سالىنادى؛
- ساياباق اۋماعىندا ۇشتەن ارتىق ادامدارمەن توپتاسىپ جۇرۋگە تىيىم سالىنادى؛
- الەۋمەتتىك قاشىقتىق ساقتاۋدىڭ سانيتارلىق نورمالارىن ۇستانىپ، ماسكا كيۋ جانە ادامدار اراسىندا قاشىقتىق ساقتاۋ.
پىكىر قالدىرۋ