وڭىرلىك كوممۋنيكاسيالار قىزمەتىنىڭ بريفينگى بارىسىندا الماتى قالاسىنىڭ الەۋمەتتىك ءال-اۋقات قورى باسقارماسى باسشىسىنىڭ ورىنباسارى دانيار الكەباي ۇلى 2020 جىلدىڭ شىلدە ايىندا كارانتين شارالارىنىڭ ەنگىزىلۋىنە بايلانىستى قىزمەت ەتۋشى الماتىلىقتارعا مەملەكەت كىرىسىنەن تولىعىمەن ايىرىلعان جاعدايدا ەڭ تومەنگى ەڭبەكاقى — 42 500 تگ كولەمىندەگى ءبىر رەتتىك تولەم الۋدىڭ ءتارتىبى قالاي جۇزەگە اسىرىلاتىنىن ءتۇسىندىردى.

ياعني، تولەمدەر اعىمداعى جىلدىڭ شىلدە ايىنا قاراستىرىلعان.

كىمگە تيەسىلى: ەرەجەلەردىڭ 3 ت.سايكەس تولەم كەلەسى ساناتتار بويىنشا جۇزەگە اسىرىلادى:
1) ەكىنشى دەڭگەيلى بانك قىزمەتكەرلەرىن، بانك وپەراسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردى، جانە سولارمەن بىرگە ۇلەستەس زاڭدى تۇلعالاردى، مەملەكەتتىك زاڭدى تۇلعالاردى (شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردىڭ قىزمەتكەرلەرىنەن باسقا)، سونىمەن بىرگە، اكسيالارىنىڭ جانە جارعىلىق كاپيتالىنداعى ۇلەستەرىنىڭ ءجۇز پايىزى مەملەكەتكە تيەسىلى زاڭدى تۇلعالاردى قوسپاعاندا، جالاقىسى ساقتالمايتىن ەڭبەك دەمالىسىندا جۇرگەن قىزمەتكەرلەرگە؛
2) جەكە كاسىپكەرلەرگە؛
3) جەكە تاجىريبەمەن اينالىسۋشى ازاماتتارعا؛
4) نىساناسى جۇمىستاردى (قىزمەتتەردى كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا كىرىس الاتىن جەكە تۇلعالارعا (بۇدان ءارى – اقس شارتتار بويىنشا كىرىس الاتىن جەكە تۇلعالار)؛
5) «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسى كودەكسىنىڭ (سالىق كودەكسى) 774-بابىنا سايكەس ءبىرىڭعاي جيىنتىق تولەم تولەۋشى بولىپ تابىلاتىن جەكە تۇلعالارعا (بۇدان ءارى – بجتتولەۋشى) جۇزەگە اسىرىلادى.

كىمگە بەرىلمەيدى:
ءبىرجولعى تولەم شەكتەۋ ءىس-شارالارىنىڭ ەنگىزىلۋىنە بايلانىستى كىرىستەن تولىق ايىرىلۋ فاكتىسى جوق ادامدارعا، ونىڭ ىشىندە:
1) جۇمىس بەرۋشىنىڭ، دارا كاسىپكەردىڭ، جەكە پراكتيكامەن اينالىساتىن ادامنىڭ نەمەسە ازاماتتىق-قۇقىقتىق سيپاتتاعى شارت بويىنشا كىرىس الاتىن جەكە تۇلعانىڭ قىزمەتى شەكتەۋ ءىس-شارالارىنىڭ ەنگىزىلۋىمەن شەكتەلمەگەن جاعدايدا؛
2) جالاقىسى ساقتالمايتىن دەمالىستا جۇرگەن ادامداردى قوسپاعاندا، جىل سايىنعى اقى تولەنەتىن ەڭبەك دەمالىسىنداعى نەمەسە الەۋمەتتىك دەمالىستاعى ادامدارعا؛
3) ەڭبەك زاڭناماسىنا سايكەس توقتاپ تۇرۋدىڭ ەنگىزىلۋىنە بايلانىستى جۇمىسىنان بوساتىلعان ادامدارعا؛
4) اعىمداعى جىلدىڭ ءبىرىنشى جارتىجىلدىعىندا ءبىرىڭعاي جيىنتىق تولەم (بۇدان ءارى – بجت) تولەۋ فاكتىسى انىقتالماعان بجت تولەۋشىلەرگە؛
5) اقس شارتتار بويىنشا جۇمىستاردى ورىنداۋدان (قىزمەتتەر كورسەتۋدەن) كىرىس الاتىن، اعىمداعى جىلعى ءبىرىنشى جارتىجىلدىقتا وزدەرى ءۇشىن مىندەتتى زەينەتاقى جارنالارى (بۇدان ءارى – مزج) تۇسپەگەن جەكە تۇلعالارعا؛
6) زەينەتاقى تولەمدەرىن، مەملەكەتتىك جاردەماقىلار، اتاۋلى الەۋمەتتىك كومەك الۋشىلارعا، قوردان تولەنەتىن الەۋمەتتىك تولەمدەردى الۋشىلارعا، جۇمىسپەن قامتۋعا جاردەمدەسۋ شارالارىمەن قامتىلماعان ادامدارعا جانە «حالىقتى جۇمىسپەن قامتۋ تۋرالى» 2016 جىلعى 6 ساۋىردەگى قازاقستان رەسپۋبليكاسىنىڭ زاڭىنا سايكەس جۇمىس كۇشىنىڭ قۇرامىنا كىرمەيتىن، شەكتەۋ ءىس-شارالارى ەنگىزىلگەن كەزەڭدە العاش رەت بجت تولەگەن ادامدارعا؛
7) تولىق مەملەكەتتىڭ قامسىزداندىرۋىنداعى قىلمىستىق-اتقارۋ جۇيەسىنىڭ مەكەمەلەرىندەگى ادامدارعا؛
8) ءبىرجولعى تولەم الۋشىنىڭ جوعالتىلعان كىرىسى قالپىنا كەلتىرىلگەن جاعدايدا تاعايىندالمايدى.