الماتىنىڭ كوۆيدتىك اۋرۋحانالارىندا ەمدەلۋشىلەردىڭ 27%-ى باسقا ايماقتىڭ تۇرعىندارى. بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن ونلاين-بريفينگ بارىسىندا الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ مالىمدەدى.

«بۇگىنگى تاڭدا دەنساۋلىق ساقتاۋ جۇيەسى ۇزدىكسىز جۇمىس جاساپ جاتىر. بۇعان بىرنەشە سەبەپ بار»، — دەدى سپيكەر. الماتى قالاسىندا جۇمىس ىستەيتىن باسقا ايماقتىڭ ازاماتتارى كوپ. ال بۇل فاكتور ينفەكسيانىڭ تارالۋ دەڭگەيىنە ايتارلىقتاي اسەر ەتكەندىكتەن اۋرۋلاردىڭ كوبەيۋى بايقالادى. سونىمەن قاتار، كۇن سايىن جاقىن ورنالاسقان وبلىستاردان جۇزدەگەن ازاماتتار الماتىداعى مەديسينالىق مەكەمەلەرگە جۇگىنەدى. مەديسينالىق كومەك الۋ ءۇشىن قالانىڭ دەنساۋلىق ساقتاۋ ۇيىمدارىنا جۇگىنەتىن ازاماتتار سانى شامامەن 27%. سونداي-اق، 60 مىڭعا جۋىق ازامات الماتى قالاسىندا تۇرىپ جاتىر، ءبىراق تىركەۋدە جوق.

مۇنداي مالىمەتتەردى بريفينگ بارىسىندا الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باستىعى كامالجان نادىروۆ ايتتى. ونىڭ ايتۋىنشا، قالادا 15 رەسپۋبليكالىق مەديسينالىق ۇيىم جۇمىس ىستەيدى. ول جەرلەردە باسقا ءوڭىردىڭ 80% تۇرعىندارى ەم الادى. ادامدار كوپ ءارى تىعىز بولىپ تابىلاتىن جوعارى جوعارى وقۋ ورىندارى، كوللەدجدەر، اسكەري بولىمدەر، شەكارا اسكەرلەرى اكادەمياسى، ءىىم جانە باسقا دا ءبىلىم بەرۋ ۇيىمدارى COVID-19 اۋرۋىنىڭ كوبەيۋىنە اسەر ەتكەن.