الماتىنىڭ كوۆيدتى ستاسيونارلارىنداعى تولىمدىلىق 49% ازايعان. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين-بريفينگ بارىسىندا الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ حابارلادى.

قايعىلى ستاتيسيكانى ازايتۋ ءۇشىن نە ىستەلۋدە، ءولىم سانىن ازايتۋ ءۇشىن قانداي شارالار قابىلدانۋدا؟

«وسىعان دەيىن مەن بارلىق ستاسيونارلاردى ناۋقاستاردىڭ اۋىر جاعدايلارىنا قاراي ءبولۋ قاعيداسى – ەشەلونداۋ جايلى ايتقان بولاتىنمىن، — دەپ سۇراققا قوعامدىق دەنساۋلىق ساقتاۋ باسقارماسىنىڭ باسشىسى جاۋاپ بەردى. — بۇگىندە ەشەلونداۋدىڭ حالىقتىڭ يگىلىگى ءۇشىن قىزمەت ەتەتىنىنىڭ كورسەتكىشتەرىنىڭ ءبىرى جاتاتىن ورىندارعا قول جەتىمدىلىك. ەگەر وسىعان دەيىن ستاسيونارلاردا ادام سانى 90% جەتسە، بۇگىندە بۇل كورسەتكىش 49%-عا تومەندەگەن.

قازىرگى ۋاقىتتا كۆي ەمدەۋگە جۇمىلدىرىلعان مەديسينالىق ۇيىمدار ۇشكە بولىنگەن.

ءبىرىنشى سانات وتە اۋىر جانە اۋىر جاعدايداعىلار ءۇشىن. بۇل ستاسيونارلار قۇرالدارمەن جانە كەزەك كۇتتىرمەيتىن مىندەتتەردى شەشۋدە بارلىق قاجەتتىلەرمەن قامتاماسىز ەتىلگەن.

ەكىنشى ەشەلون — اۋرۋ دەڭگەيى ورتاشا اۋىرلىقتاعى ناۋقاستار ءۇشىن. ءبىز بۇل جەردە 1705 جاتاتىن ورنى بار قايتا جاراقتالعان ەمحانالار بازاسىندا جۇمىس ىستەۋدەمىز.

ءۇشىنشى ەشەلون — ەمدى اياعىنا دەيىن جەتكىزۋگە ارنالعان وبسەرۆاتورلار. ولارعا ءبىز جاتاتىن ورىن قۋاتى 2376 بولاتىن 7 ۇيىمدى جاتقىزامىز. جاتاتىن ورىنداردىڭ 1000-ى حالىق-ارەنا بازاسىندا قۇرىلعان كەشەنگە تيەسىلى.

الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆتىڭ ايتۋىنشا، سوڭعى ايدا الماتىدا پنيەۆمونيامەن ناۋقاستانعان پاسيەنتتەر سانى ەكى ەسە ازايدى.

COVID-19 كوروناۆيرۋسىنىڭ پاندەمياسى جالعاسۋدا. وسى دەرتتەن بولەك، قالا ستاسيونارلارىنا پنيەۆمونيامەن ناۋقاستانعان پاسيەنتتەر دە تۇسۋدە.

«جىل باسىنان بەرى پنيەۆمونيامەن اۋىرعان 6175 پاسيەنت ەمدەلدى، — دەپ حابارلادى قوعامدىق دەنساۋلىق ساقتاۋ باسقارماسىنىڭ باسشىسى. — بۇگىندە جاعداي تۇراقتالدى. اۋرۋحانا جاتقىزىلاتىندار سانى 2 ەسە ازايدى جانە تاۋلىگىنە 133-تەن اسپايدى».

پنيەۆمونيامەن ەمحاناعا كەلگەن ناۋقاستاردىڭ سانى اعىمداعى ايدا ەكى ەسە ازايعان (480 شاعىمدانۋشى).