بەلگىلى زاڭگەر، قوعام بەلسەندىسى ايگۇل ورىنبەك قازاقستانداعى قۇقىقتىق احۋالعا قاتىستى پىكىرىن ءبىلدىردى. ونىڭ ايتۋىنشا، ناتيجەگە جەتۋ ءۇشىن زاڭ جوباسىن حالىقپەن اشىق تالقىلاۋ كەرەك. بۇل تۋرالى ول ءوز Facebook پاراقشاسىندا جازدى.
"قوعام قۇقىقتىق ءقوزقاراستان الشاقتاپ بارادى.
سوڭعى وقيعالار ەلدەگى قۇقىقتىق كوزقاراستان الشاقتاپ بارا جاتقانىن اشىق كورسەتىپ وتىر. حالىقتى جابايى حالگە تۇسىرگەن جەمقورلىققا باتقان جۇيە! قۇزىرلى ورگاندارعا دەگەن سەنىمسىزدىك! زاڭى زاڭدى تۇردە ورىندالمايتىن ەل عانا وسىنداي جابايى مەتودقا كوشەدى! سوت پەن قۇزىرلى ورگاندار زاڭدى جۇمىس ىستەمەگەن ەلدە، حالىق جازانى وزدەرى بەرگىسى كەلەدى. ول ءۇشىن حالىقتى كىنالاپ قاجەتى جوق، وعان جەمقورلىق پەن سىبايلاستىق كىنالى! ادىلەتسىز سوت پەن، جەمقورلىق پەن سىبايلىستىققا باتقان تەرگەۋ! كوبىنەسە ءبىز پوليسيانى كىنالايمىز، ءىستى جاۋىپ، قىسقارتاتىن نەگىزى پروكۋراتۋرا، ال اقتاۋ شەشىمىن شىعاراتىن سوت بولىپ تابىلادى! سوتتىڭ شەشىمى شىقپاي جاتىپ، "مەن ۇتتىم شەشىپ قويدىق" دەپ ايتىپ جۇرگەن تالاي ادامداردى كوردىم. ءولىم جازاسىن زاڭعا ەنگىزۋ ءۇشىن، سوت پەن تەرگەۋ جۇيەسى سىبايلاسقان جەمقورلىقتان تازا بولۋ كەرەك! جەمقورلىق پەن سىبايلاستىق ءورشىپ تۇرعان ەلدە "ءولىم جازاسىن" ەنگىزۋ، وتە قيىن جانە ويلانىپ قابىلدايتىن شەشىم. ءوزىم پەدوفيلدەرگە "ءولىم جازاسىن" بەرۋگە قارسى ەمەسپىن، ول ءۇشىن قوعام الدىندا جۇرگەن زاڭگەرلەر بىرلەسىپ جۇمىس ىستەۋ كەرەك. حالىقپەن زاڭ جوباسىن اشىق تالقىلاۋ كەرەك، سول كەزدە عانا ءبىز ءبىر ناتيجەگە جەتەمىز" دەلىنگەن جازبادا.
پىكىر قالدىرۋ