كۇزدە COVID-19 سيمپتومدارى بار 7700 پاسيەنتكە ستاسيونارلىق ەمدەۋدى ءبىر مەزگىلدە قامتاماسىز ەتۋ جوسپارلانۋدا. بۇل كۇزگى-قىسقى كەزەڭ باستالعانعا دەيىن قوسىمشا توسەك-ورىندارعا قاجەتتىلىك وسكەن جاعدايدا الدىن-الا جاسالادى. بۇل تۋرالى «الماتى» تەلەارناسىندا وتكەن Akimat Live باعدارلاماسى بارىسىندا قالا اكىمى باقىتجان ساعىنتايەۆ مالىمدەدى.

بەلگىلى بولعانداي، پاندەميانى توقتاتۋدىڭ ەڭ ءتيىمدى ەكى جولى بار – بۇل قولدانىستاعى شەكتەۋ شارالارى جانە توسەك-ورىن سانىن ارتتىرۋ. پاندەميا باستالعالى بەرى ينفەكسيالىق ستاسيونارلاردىڭ سانى 2-دەن 26-عا دەيىن (500 توسەك-ورىننان 6096 دەيىن) ءوستى. كۇزدە COVID-19 سيمپتومدارى بار 7700 پاسيەنتكە ستاسيونارلىق ەمدەۋدى ءبىر مەزگىلدە قامتاماسىز ەتۋ جوسپارلانۋدا.

«الداعى كۇندەرى جاڭا كوۆيدتىك ستاسيونارلار ەنگىزىلەتىن بولادى. ولاردى الدىن-الا سانيتارلىق-ەپيدەميولوگيالىق اۋديتتەن وتكەن، دەنساۋلىق ساقتاۋ وبەكتىلەرىنىڭ بازاسىندا اشاتىن بولامىز. قازىرگى ۋاقىتتا جاۋاپتى ماماندار قۇرىلىس جۇمىستارىن جۇرگىزۋدە. ولاردىڭ ىشىندە 250 توسەكتىك "قازاقستان"، 376 توسەكتىك "كوكتەم"، 140 توسەكتىك "سامال" پانسيوناتى، 230 توسەكتىك "استانا" قوناق ءۇيى، 360 توسەكتىك قازاتك جاتاقحاناسى، 100 توسەكتىك ۇوس مۇگەدەكتەرىنە ارنالعان رەسپۋبليكالىق كلينيكالىق گوسپيتال، 500 ورىنعا شاقتالعان ارناۋلى الەۋمەتتىك قىزمەت كورسەتۋ ورتالىعى بار. بۇل جاڭا ستاسيونارلار جۇمىس ىستەپ تۇرعان نىساندارعا قوسىمشا تامىز ايىنىڭ سوڭىنا دەيىن كەزەڭ-كەزەڭىمەن ىسكە قوسىلاتىن بولادى»، — دەپ اتاپ ءوتتى ب. ساعىنتايەۆ.

سونىمەن قاتار اكىمدىك انا مەن بالانىڭ دەنساۋلىعىن قورعاۋعا ەرەكشە كوڭىل بولەدى. بارلىق ايەل-انانىڭ بۇگىنگىدەي پاندەميا كەزەڭىندە ءقاۋىپسىز جاعدايدا بوسانۋى، بوسانعانعا دەيىن جانە بوسانعاننان كەيىن دە ۇزدىكسىز كۇتىمدە بولۋى اسا ماڭىزدى.

قالادا 45 توسەكتىك №4 پەرزەنتحانا جۇمىس ىستەيدى. جاقىن ارادا وسى پەرزەنتحانانىڭ 60 توسەك-ورىنعا ارنالعان جاڭا كورپۋسى ىسكە قوسىلادى. سوندا مۇنداعى جالپى ورىن سانى 105-كە جەتەدى.

پاسيەنتتەردى شۇعىل ورنالاستىرۋ ءۇشىن ۋاقىتشا ستاسيونارلار بولۋ مۇمكىندىگى بار دەگەن وبەكتىلەرگە كۇندەلىكتى مونيتورينگ جۇرگىزىلەدى.

«بۇگىنگى تاڭدا ءبىز بۇعان دەيىن ەشقاشان جاسالماعان شارالاردى قولعا الدىق. شۇعىل ءارى وتە قىسقا مەرزىمدە اۋقىمدى جاڭا ستاسيونارلار اشىپ، ولاردى قاجەتتى بارلىق تەحنيكامەن جابدىقتاۋدامىز. عيماراتتاردىڭ بولمەلەرىن قايتا جوسپارلاپ، شليۋزدەر مەن وقشاۋلانعان بوكستار قۇرىلۋدا. بارلىق دەڭگەيدەگى مەديسينالىق كومەك كورسەتۋدىڭ تيىمدىلىگىن ارتتىرۋ ءۇشىن دەنساۋلىق ساقتاۋ جۇيەسىنە وزگەرىستەر ەنگىزۋدەمىز»، — دەدى قالا اكىمى.

ايتا كەتەيىك، مەگاپوليستە قوسىمشا توسەك-ورىندار جاساقتاۋ، قالانىڭ بارلىق كادرلىق رەزەرۆىن جۇمىلدىرۋ جۇمىستارى جۇرگىزىلۋدە. بۇگىنگى تاڭدا پاندەميامەن كۇرەستەگى الدىڭعى شەپكە 4464 مەديسينا قىزمەتكەرى (2681 دارىگەر مەن ورتا مەديسينا ماماندارى) جۇمىلدىرىلدى. 1526 ماماننان (دارىگەرلەر – 246، ورتا قىزمەتكەرلەر – 1009، كىشى مەديسينالىق قىزمەتكەرلەر جانە باسقالارى – 145، ۆولونتەرلەر – 106) كادرلىق رەزەرۆ جاساقتالدى. بارلىعى 328 ادام جۇمىسقا ورنالاستىرىلدى (ونىڭ ىشىندە 96 دارىگەر، 160 ورتا مەديسينا قىزمەتكەرى، 72 كىشى مەديسينا قىزمەتكەرى جانە باسقالار).