ءقاۋىپ توبىنداعى امبۋلاتوريالىق ناۋقاستارعا باقىلاۋدى كۇشەيتۋ ءۇشىن ناۋقاستاردى مونيتورينگتەۋ ورتالىعى جۇمىس ىستەۋدە. بۇل تۋرالى بۇگىن «الماتى» تەلەارناسىندا وتكەن Akimat Live باعدارلاماسىندا قالا اكىمى باقىتجان ساعىنتايەۆ مالىمدەدى.

مونيتورينگ ورتالىعىنا ءتۇرلى سالاداعى 58 دارىگەر، ياعني تەراپيەۆت، پەدياترلار، پۋلمونولوگتار، اللەرگولوگتار، كارديولوگتار سەكىلدى ماماندار جۇمىلدىرىلعان. 1 شىلدەدەن باستاپ مونيتورينگ ورتالىعى امبۋلاتورلىق ەمدەۋدەگى ءقاۋىپ توبىنا ەنگەن ناۋقاستارعا 505 كەڭەس بەرىپ ۇلگەرگەن.

«العاشقى مەديسينالىق-سانيتارلىق كومەك ۇيىمدارى دەڭگەيىندە ءموبيلدى بريگادالاردىڭ جۇمىسى جالعاسۋدا. الگوريتمگە سايكەس ءموبيلدى بريگادا ەكى جاعدايدا ناۋقاستىڭ ۇيىنە بارا الادى: پتر-تەستكە ماتەريال الۋ ءۇشىن جانە ەمحانا دارىگەرىنىڭ تاعايىنداۋى بويىنشا ۇيدە ەمدەۋ ءۇشىن بارادى»، — دەدى قالا اكىمى.

ايتا كەتەيىك، موبيلدىك توپتار قالالىق ەمحانالاردىڭ جۇمىسىن كۇشەيتۋ ءۇشىن قۇرىلدى.