الماتىدا پەدوفيلدى ۇستاعان پوليسيا مايورى باقىتجان باكىروۆ قازاقستان پرەزيدەنتىنىڭ جارلىعىمەن ءىى دارەجەلى "ايبىن" وردەنىمەن ماراپاتتالدى. بۇل تۋرالى Polisia.kz حابارلادى.

"قىزمەتتىك بورىشىن ورىنداۋ كەزىندە كورسەتكەن ەرلىگى مەن جانقيارلىعى ءۇشىن ىشكى ىستەر مينيسترلىگى الماتى قالاسى پوليسيا دەپارتامەنتى تۇركسىب اۋداندىق پوليسيا باسقارماسىنىڭ جەدەل ۋاكىلى باقىتجان انۋاربەك ۇلى باكىروۆ II دارەجەلى "ايبىن" وردەنىمەن ماراپاتتالسىن" دەلىنگەن جارلىق ماتىنىندە.

11 شىلدەدە تۇركسىب اۋدانىندا بولعان. پوكروۆسكايا كوشەسىندەگى ۇيدە ۇرى ءتورت جاسار ەر بالا مەن 15 جاستاعى اپكەسىن پىشاقپەن قورقىتىپ، 17 مىڭ دوللاردى يەمدەنگەن. سودان كەيىن قىلمىسكەر ءجاسوسپىرىم قىزعا زورلىق-زومبىلىق ارەكەتتەرىن جاساعان. كەيىن ءال-فارابي داڭعىلىنداعى ۇيدە جاسىرىنعان كۇدىكتى پوليسەيدەن قاشىپ، تۇرعىن ءۇيدىڭ جوعارعى قاباتىنان سەكىرىپ كەتكەن. پوليسيا قىزمەتكەرى باقىتجان باكىروۆ قىلمىسكەردىڭ سوڭىنان 13-قاباتتان سەكىرىپ، تابانىن تايدىرىپ العان ەدى.

ۇستالعان كۇدىكتى كامەلەتكە تولماعان ءجاسوسپىرىمدى توناۋ جانە زورلاۋ فاكتىسى بويىنشا ايىپتالۋدا. الماتى قالاسىنىڭ پوليسياسى ونى ءتورت كۇن بويى ىزدەستىرىپ كەلگەن. پوليسيا مايورى باقىتجان باكىروۆتىڭ اياعىنا ءۇش رەت وپەراسيا جاسالدى.