الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى كەڭشىلىك ءابدىلدينوۆ كوروناۆيرۋس ينفەكسياسىنان قايتىس بولدى. بۇل تۋرالى قالالىق سوتتىڭ باسپا ءسوز قىزمەتى حابارلادى.

"الماتى قالاسى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى كەڭشىلىك ءابدىلدينوۆ ومىردەن وزدى. الماتى قالالىق سوتى، قىلمىستىق ىستەر جونىندەگى مامانداندىرىلعان اۋدانارالىق سوتى، باسشىلىق جانە سۋديالار اتىنان ونىڭ وتباسىنا جانە تۋىسقاندارىنا كوڭىل ايتامىز" دەلىنگەن حابارلامادا.

كەڭشىلىك ابدەلدينوۆ 1963 جىلى 28 قازاندا دۇنيەگە كەلگەن. 1990 جىلى س.م.كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن.

ول 1992 جىلى ادىلەت ورگاندارىندا، 2000 جىلى قازاقستان رەسپۋبليكاسى جوعارعى سوتى اپپاراتىندا قىزمەت اتقارعان.

2003 جىلى الماتى وبلىستىق سوتىنىڭ سۋدياسى، 2013 جىلدان باستاپ الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى بولدى.

ول قازاقستاندىق مانەرلەپ سىرعاناۋشى دەنيس تەننىڭ ولىمىنە قاتىستى ءىستى قاراعان.

بۇعان دەيىن ءقاۋىپتى ىندەتتەن قازاقستان قورعانىس ءمينيسترىنىڭ بۇرىنعى ورىنباسارى – امىربەك توگىسوۆ، قازاقستاننىڭ پرەزيدەنتتىگىنە ۇمىتكەر بولعان – جاقسىباي بازىلبايەۆ، اقتوبە قالاسىندا ينفەكسيالىق اۋرۋحانانىڭ باس دارىگەرى – قاليحان قوزباعاروۆ، الماتى وبلىسى اكىمىنىڭ ورىنباسارى – سەرىكجان بەسكەمپىروۆ، سونىمەن قاتار الماتى وبلىسىنىڭ باس مەملەكەتتىك سانيتار دارىگەرى – قايرات بايمۇحامبەت قايتىس بولعان.