عالىمدار كوروناۆيرۋس جۇقتىرعان ادامدار نەگە ءيىس سەزۋ قابىلەتىنەن ايىرىلاتىنىن انىقتادى. ۆيرۋس ءيىس سەزۋ نەيروندارىن زاقىمدامايدى، سوندىقتان ءيىس سەزبەۋ ۇزاققا سوزىلمايدى، دەپ حابارلادى گازەتا.Ru.

بۇرىن انوسميا كوروناۆيرۋستىڭ ەڭ الدىڭعى جانە نەگىزگى بەلگىسى بولاتىن. زەرتتەۋلەردىڭ كوبى بۇل باسقا سيمپتومدارعا – ىستىق، جوتەلگە قاراعاندا، اۋرۋدىڭ بارى تۋرالى تەز سيگنال بەرەتىنىن ايتقان. ءبىراق بۇل سيمپتومنىڭ نەگىزىندە جاتقان بيولوگيالىق مەحانيزمدەر بەلگىسىز بولىپ كەلدى.

ۆيرۋس مۇرىن قۋىسىنىڭ جوعارعى بولىگىندەگى جاسۋشالاردى زاقىمدايدى دەپ ەسەپتەلدى. سودان نەيروندار ءيىس تۋرالى ميعا سيگنال بەرمەيدى. ءبىراق زەرتتەۋ بۇل بولجامدى جوققا شىعاردى.

عالىمدار مۇرىن قۋىسىنىڭ جوعارعى بولىگىندەگى SARS-CoV-2 ۆيرۋسىنا توزىمدىگىلىگى تومەن ءيىس سەزۋ جاسۋشالارىن انىقتادى. سويتسە، ميعا سيگنال بەرەتىن جاسۋشالار ولاردىڭ اراسىندا بۇل نەيروندار بولماي شىقتى.

– ءبىز ناۋقاستاردىڭ كوروناۆيرۋس جۇقتىرىپ، ءيىس سەزۋ قابىلەتىنىڭ جوعالۋى ينفەكسيا جۇقتىرعان نەيروندارمەن بايلانىستى ەمەس ەكەنىن تاپتىق، – دەپ ءتۇسىندىردى زەرتتەۋ اۆتورى سانديپ روبەرت داتتا.

بۇل سول فۋنكسياعا قوسالقى جاسۋشالاردىڭ اسەرىنەن بولادى.

– جاقسى جاڭالىق دەپ ويلايمىن. سەبەبى ينفەكسيا جويىلعاننان كەيىن ءيىس سەزۋ نەيروندارى قايتا قالپىنا كەلۋى كەرەك. ءبىراق بىزگە بۇل قورىتىندىنى راستاۋ ءۇشىن مۇنىڭ نەگىزىندە جاتقان مەحانيزمدەردى تۇسىنەتىندەي كوبىرەك دەرەك قاجەت، – دەدى داتتا.

ءدام جانە ءيىس سەزبەۋ – COVID-19 ۆيرۋسىنىڭ ەڭ كەڭ تاراعان سيمپتومى. ستاتيستيكا كوروناۆيرۋس جۇقتىرماعاندارعا قاراعاندا، جۇقتىرعان ناۋقاستار وسى سەزىمدەردى 27 ەسە ءجيى جوعالتاتىنىن كورسەتتى. سونداي-اق ءيىس جانە ءدام سەزۋ بىرنەشە اپتادان كەيىن عانا قالپىنا كەلەتىنى ايتىلعان.