ءبىلىم جانە عىلىم ءمينيسترى اسحات ايماعامبەتوۆ جوو باسشىلارىنا بيىلعى وقۋ اقىسىن كوتەرمەۋدى جانە قارىزى بار ستۋدەنتتەرگە ءبولىپ تولەۋ مۇمكىندىگىن بەرۋدى سۇرادى.
– پاندەميانىڭ سالدارىنان ستۋدەنتتەر وقۋ اقىسىن ۋاقىتىلى تولەي الماي وتىر. جالپى ەكونوميكالىق احۋالدى وزدەرىڭىز كورىپ وتىرسىزدار. سوندىقتان جوو تاراپتارىنان قولداۋ جۇمىستارى جۇرگىزىلۋ قاجەت دەپ سانايمىن. وسى تۇستا ەكى ماسەلەگە توقتالعىم كەلەدى. بىرىنشىدەن، قارىزى بار ستۋدەنتتەرگە ءبولىپ تولەۋ مۇمكىندىكتەرىن قاراستىرۋلارىڭىزدى سۇرايمىن. ەكىنشىدەن، بىزگە كەلىپ تۇسكەن اقپاراتتارعا سايكەس، ءبىراز جوو-لار ءقازىر وقۋدىڭ باعاسىن كوتەرۋدى جوسپارلاپ وتىر ەكەن. سوندىقتان بۇل ماسەلە بويىنشا دا سىزدەرگە دەگەن ءبىر ءوتىنىشىم بار. قازىرگى احۋالدى ەسكەرە وتىرىپ، جوعارى وقۋ ورىندارىندا باعانى وسىرمەۋدى سۇرايمىن. بۇل – وتە ماڭىزدى. بۇل ماسەلەنى قاراستىرىپ، ءتيىستى شەشىم قابىلدايدى دەپ سەنەمىن، – دەدى اسحات ايماعامبەتوۆ.
بۇعان دەيىن مينيستر جوو-نىڭ اقىلى بولىمىندە وقيتىن ستۋدەنتتەرگە وقۋ اقىسىن ارزانداتۋدى مەكەمە ورنى ءوزى شەشەدى دەپ ايتقان بولاتىن.
قىركۇيەك ايىندا ۋنيۆەرسيتەتتەر پەن كوللەدج ستۋدەنتتەرى قاشىقتان وقيدى.
پىكىر قالدىرۋ