الماتىنىڭ قوعامدىق كولىكتەرىنىڭ بىرىنە ماسكا كيمەي مىنگەن بويجەتكەن باقىلاۋشىنىڭ "ماسكا تاعىڭىز" دەگەن تالابىن ورىنداماي، دورەكى جاۋاپ بەردى. ۆيدەو الەۋمەتتىك جەلىدە جاريالاندى.
بەينەكادردا قوعامدىق كولىك جۇرگىزۋشىسى جولاۋشىدان ايالدامادان ءتۇسىپ قالۋىن سۇرايدى. الايدا بويجەتكەن ايتقان سوزگە قارسىلىق تانىتىپ، باقىلاۋشى مەن جۇرگىزۋشىنىڭ "قوعامدىق ورىنداردا ماسكا تاعىپ ءجۇرۋ قاجەت" دەگەن تالابىن ورىنداۋدان باس تارتادى.
سونىمەن قاتار بويجەتكەن "مەنى ۆيدەوعا تۇسىرۋگە قۇقىڭ جوق" دەپ باقىلاۋشىنىڭ ۇيالى تەلەفونىن جەرگە قۇلاتادى.
بۇدان الدىن الماتى قالاسى اكىمىنىڭ ءبىرىنشى ورىنباسارى ەرلان قوجاعاپانوۆ ماسكا تاقپاعان تۇرعىندارعا ايىپپۇل سالىناتىنىن حابارلاعان بولاتىن.
پىكىر قالدىرۋ