شەتەلدىك ساراپشىلار ترامپتىڭ اقش-قا ەكىنشى رەت پرەزيدەنت بولۋى قىتايعا پايدالى ەكەنىن مالىمدەدى. بۇل تۋرالى Bloomberg جانە CNBC باسىلىمدارىندا،ى حالىقارالىق ساراپشىلاردىڭ پىكىرىندە ايتىلدى.

– ترامپ اكىمشىلىگىنىڭ ىس-ارەكەتى سالدارىنان اقش ساياساتكەرلەرىنىڭ ءتۇرلى توپتارعا ءبولىنۋى جانە ترامپ اكىمشىلىگىنە دەگەن حالىقارالىق دەڭگەيدەگى تەرىس كوزقاراستار بەيجىڭگە ارتىقشىلىق بەرەدى، – دەيدى Stratfor ستراتەگيالىق تالداۋ ينستيتۋتىنىڭ اعا ۆيسە-پرەزيدەنتى رودجەر بەيكەر. 

ونىڭ ايتۋىنشا، بەيجىڭنىڭ امەريكالىقتاردىڭ ورتاق كەلىسىلگەن ساياساتقا ۇيىسۋىنان جانە قىتايدى شەكتەيتىن ورتاق كەلىسىلگەن حالىقارالىق ساياساتتان قورقادى.

– ەگەر دجو بايدەن سايلانسا، مەنىڭ ويىمشا، بۇل جۇڭگو ءۇشىن ءقاۋىپتى بولۋى مۇمكىن، ويتكەنى ول قىتايدى نىساناعا الۋ ءۇشىن وداقتاستارمەن جۇمىس ىستەيدى، ال ترامپ اقش وداقتارىن جويىپ جىبەرەدى، – دەيدى قىتايدىڭ بۇرىنعى ساۋدا كەلىسسوزشىسى جانە جەنيەۆاداعى قىتايدىڭ بۇرىنعى وكىلىنىڭ ورىنباسارى چجوۋ سياومينگ.

Bloomberg-تىڭ جازۋىنشا، قىتايدىڭ وزگە ءتورت شەنەۋنىگى دە ترامپتىڭ جەڭىسى ۆاشينگتوندى ءتىپتى دە السىرەتىپ، بەيجىڭگە جاقسىلىق اكەلەتىنىنە سەنەدى.

"ترامپتىڭ كەلەسى ءتورت جىلدىق پرەزيدەنتتىگى دە داۋ-دامايعا تولى بولسا، قىتايدىڭ شىعىس ازيادا جانە الەمدە ىقپالىن كەڭەيتۋىنە مۇمكىندىك بەرەدى" دەيدى CNBC باسىلىمى.