الەۋمەتتىك جەلىدە شىمكەنت تۇرعىنى قالانى دەزينفەكسيالاپ جاتقان اسكەريلەردىڭ ارنايى دەزينفەكسيالىق سۇيىقتىقتىڭ ورنىنا سۋدى پايدالانىپ جۇرگەنىن ايتىپ، ۆيدەو جاريالادى.
ۆيدەونى ءتۇسىرىپ تۇرعان كەلىنشەك دەزينفەكسيا جاساپ جۇرگەندەرگە العىس ايتايىن دەپ شىعىپ، سۇيىقتىقتان ەشقانداي ءيىس شىقپايتىنىن بايقاعان. ارتىنشا سۇيىقتىقتىڭ جاي عانا سۋ ەكەنى بەلگىلى بولدى.
ۆيدەودان تۇرعىننىڭ دەزينفەكسيالىق سۋمەن قولىن، بەتىن جۋىپ، سۇيىقتىقتىڭ قاراپايىم سۋ ەكەنىن ايتقانىن كورۋگە بولادى.
"نەگە سەندەر قاراپايىم سۋ سەۋىپ جۇرسىڭدەر. مەن مىنە، بەتىمدى جۋدىم، كوزىمدى جۋدىم. حالىقتى نەگە الداپ جۇرسىڭدەر؟ حالىقتى مازاق قىلىپ بىتتىڭدەر. ۇيالمايسىڭدار ما!" دەيدى قالا تۇرعىنى.
كادر سىرتىنان دەزينفەكسيامەن اينالىسىپ جۇرگەندەردىڭ بوعاۋىز ءسوز ايتىپ، تۇرعىن تۋرالى "قايدان شىققان بىرەۋ" دەگەنى ەستىلەدى.
سۋدى سەۋىپ جۇرگەن اسكەري فورماداعى ادام سۇيىقتىقتى اكىمشىلىكتەن العانىن ايتىپ، وزدەرىن تانىستىرۋدان باس تارتتى.
قامشى پورتالى تۇركىستان وبلىسى اكىمىنىڭ جانە شىمكەنت قالاسى اكىمىنىڭ اتىنا رەسمي ساۋال جولداپ، وقيعاعا تۇسىنىك بەرۋىن، دەزينفەكسيالىق جۇمىسقا قانشا قاراجات بولىنگەنىن سۇرايدى.
پىكىر قالدىرۋ