الماتىدا 1300-دەن استام ادام Qurban-2020 ونلاين پلاتفورماسى ارقىلى قۇرباندىققا شالىنعان مالدىڭ ەتىن الۋعا ءوتىنىش بىلدىرگەن. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ ونلاين بريفينگىندە بوستاندىق اۋدانىنىڭ بايكەن مەشىتىنىڭ باس يمامى دانيار جۇمابايەۆ حابارلادى.
– بۇگىنگى تاڭدا 1305 ادام قۇرباندىققا شالىنعان ەتتى ونلاين پلاتفورما ارقىلى الۋعا ءوتىنىش بىلدىرگەن،– دەدى دانيار جۇمابايەۆ.
ونىڭ ايتۋىنشا، قالا تۇرعىندارىنان قۇرباندىققا 49 قوي، 18 ەشكى جانە 8 باسقا مالدى شالۋعا ءوتىنىش تۇسكەن. قۇربان شالىنعان ەتتەر مۇقتاج جاندارعا تاراتىلىپ بەرىلەدى.
قۇرباندىق شالۋعا جانە مۇقتاج، از قامتىلعان تۇرعىنداردىڭ وتىنىشتەرىن الۋ سايتتا 24-30 شىلدە ارالىعىندا جۇرگىزىلەدى.
قالانىڭ باس مەملەكەتتىك سانيتار دارىگەرىنىڭ قاۋلىسىنا سايكەس، كوروناۆيرۋس ينفەكسياسىنىڭ تارالۋىن بولدىرماۋ ماقساتىندا قۇربان ايت مەرەكەسىنە قۇرباندىق شالۋ ونلاين فورماتتا وتەدى. قۇربان شالۋعا جانە سويىلعان قۇرباندىق مالىنىڭ ەتىن الۋعا ءوتىنىش بەرۋ ءۇشىن Qurban-2020 ونلاين پلاتفورماسى قۇرىلعان.
پىكىر قالدىرۋ