قازاق قايىرىمدىلىق جاساپ قايىرىن كورگەن حالىق. ءوزىن قويا تۇرىپ وزگەنى ويلاپ، تۇرمىسى تومەن وتباسىعا، تاعدىرى تالقىعا تۇسكەن اعايىنىنا قولدا بارىن ءبولىپ بەرەتىن دارقان مىنەزدى كەڭ پەيىلدى ۇلت. ءيا، جەتىمىن جىلاتپاعان، جەسىرىن قاڭعىرتپاعان اتىمتاي جومارتتار جەتەرلىك. وعان دالەل ەلىمىزدە ورىن العان توتەنشە جاعدايدا قينالعان جاندارعا قول ۇشىن سوعان الماتى وبلىسى تەكەلى قالاسىنىڭ پەيىلى دارحان جاندارى.

بۇگىندەرى مونوقالادا الەۋمەتتىك جاعىنان تومەن وتباسىلار مەن جەتىم-جەسىر، اۋرۋ-سىرقاۋلارعا، توسىننان جاردەمگە ءزارۋ بولىپ قالعاندارعا كومەك قولىن سوزىپ جاتقان نەبىر ۇيىم، قايىرىمدىلىق قورلارى بار. ولار «جومارتتىق – جاننىڭ بايلىعى» دەپ جاقسىلىق جاساۋعا جارىسا ۇمتىلىپ، بارىمەن ءبولىسىپ، ورتاق ماقساتقا جۇمىلا اتسالىسۋدا. اتاپ ايتساق، ىزگى ىسكە انالىق جۇرەك جىلۋىمەن كىرىسكەن قالالىق انالار كەڭەسىنىڭ باستاماسىن «جەتىسۋ شاپاعاتى» قوعامدىق قورىنىڭ فيليالى، جەكە كاسىپكەر «ونعاربايەۆا»، «باي-ولكە» جيھاز سەحى، كەرىمبەك بي مەشىتى جالعاستىرىپ، بەتپەردە تىگىپ، كوپ بالالى وتباسىلارعا، مۇقتاج، مۇمكىندىگى شەكتەۋلى جاندارعا،  قارتتارعا تاراتىلدى. قازىرگى تاڭدا مونو قالادا 5000-عا تارتا بەتپەردە تەگىن ۇلەستىرىلدى. حالىق قاجەتتىلىگىنە وراي بۇل ىزگىلىكتى شارا ءالى دە ۇيىمداستىرىلىپ كەلەدى.

ەلىمىزدەگى توتەنشە جاعدايعا بايلانىستى تۇرعىنداردىڭ تابىس كوزىنىڭ قىسقارعانى راس. وسى ورايدا از قامتىلعان، كوپبالالى وتباسىلارىنا تۇسكەن سالماقتى جەڭىلدەتۋگە قالا كاسىپكەرلەرى دە قوماقتى ۇلەس قوسىپ كەلەدى. «جومارت بەرگەنىن ايتپاس، ەر ايتقانىنان قايتپاس» دەگەندەي، جۇرتقا جاساعان جاقسىلىعىن جاريالاۋماۋدى ءجون سانايتىن ابزال ازاماتتاردىڭ كومەگىمەن 4 ملن. 220 مىڭ تەڭگەگە قايىرىمدىلىق كومەك كورسەتىلدى. اتاپ ايتقاندا، ولاردىڭ قاتارىندا «بادەلحان» جك، «MEGA Arzan» ساۋدا ءۇيى، ورتالىق ازيا ۋنيۆەرسيتەتى، قالالىق ىسكەر ايەلدەر وداعى، «نارگيزا» جك، «مەدينا»، «استانا»، «ءدىلدا»، «وكاەنچيك» دۇكەندەرى بار. جەكەلەگەن ازاماتتار، ستۋدەنت جاستار، «مەيىرىم»، «ليدەر.كز» ەرىكتىلەرىنە تازا كوڭىلدەن تۋىنداعان ىقىلاسى مەن جاساعان يگى امالدارىنا تۇرعىندىر سانسىز العىس ايتىپ ريزاشىلىعىن بىلدىرۋدە.

دانا حالقىمىز: «قايىرىمدىلىق جاساساڭ، قايىرىن ءوزىڭ كورەسىڭ»، – دەيدى. اتىمتاي ازاماتتاردىڭ بۇل ءىسى كوپكە ۇلگى. ەڭ كەرەمەتى جومارت جانداردىڭ تەكەلىدەگى ىزگى ءىس، يگىلىكتى شارالار مۇنىمەن توقتاپ قالمايتىندىعىن، ءارى قاراي دا جالعاسىن تاباتىندىعىن ايتۋدا.

ايدار قالييەۆ

الماتى وبلىسى