الماتى وبلىسى كەربۇلاق اۋدانىنا 15 وتتەگى اپپاراتىن سىيلاعان جومارت جان ءوزىنىڭ ەسىمىن جاسىرىن قالدىرۋدى سۇرادى. سونداي-اق، جاقىن ارادا تاعى 5 اپپارات جەتكىزىلەتىن بولادى. وسىمەن اۋرۋحاناعا قاجەتتىلىگى تولىعىمەن وتەلەدى.

– اۋدانداعى ەپيداحۋال بۇگىنگى تاڭدا، كوروناۆيرۋس ينفەكسياسىن جۇقتىرعان 67 ادام تىركەلدى. ونىڭ 17ء-سى سيمپتومدى. ولار وبلىستىق وپەراتيۆتى شتاب بەكىتكەن ايماققا ەم قابىلداۋعا جىبەرىلدى. ال اۋداندىق اۋرۋحانادا 55 ناۋقاس پنيەۆمونيادان ەمدەلۋدە، ونىڭ 5ء-ى جان ساقتاۋ بولىمىندە جاتىر. سوندىقتان وتتەگى كونسەنتراتورى بىزگە وتە قاجەت بولاتىن. قۇرىلعىنىڭ مۇمكىندىگى زور. اتالعان اپپاراتتاردى ءبىر تاۋلىكتە جەتكىزىپ، كومەك كورسەتكەن دەمەۋشىگە اۋدان تۇرعىندارى اتىنان جانە دارىگەرلەر اتىنان ايتار العىسىمىز شەكسىز. ەندى دارىگەرلەر ەمدەلۋشىلەرگە وتتەگى كونسەنتراتورىنىڭ كومەگىمەن ۋاقىتىلى جاردەم كورسەتە الادى، – دەدى ورتالىق اۋداندىق اۋرۋحانانىڭ ديرەكتورى قايرات ەرجانوۆ.

اۋداندىق اۋرۋحانادا العاشىندا 35 پروۆيزورلىق، 35 وبسەرۆاسيالىق ورىن بولعان، ءقازىر بۇل 90 ورىنعا دەيىن كوبەيتىلدى. ىندەتپەن كۇرەسكە 100-گە جۋىق مەديسينا قىزمەتكەرلەرى جۇمىلدىرىلدى. 

ايدار قالييەۆ

الماتى وبلىسى