اقتاۋدا كۋاگەرلەر پەدوفيل بولۋى مۇمكىن دەلىنگەن كۇدىكتىنى ۇستادى. بۇل تۋرالى Inaktau.kz حابارلادى.
ماڭعىستاۋ وبلىستىق پوليسيا دەپارتامەنتى باسپا ءسوز قىزمەتىنىڭ حابارلاۋىنشا، وقيعا 29 شىلدە كۇنى كۇندىز بولعان. كۇدىكتىگە قاتىستى قازاقستاننىڭ قىلمىستىق كودەكسىنىڭ 1-بولىگى 124-بابى "جاس بالالاردى ازعىندىق جولعا ءتۇسىرۋ" بويىنشا قىلمىستىق ءىس قوزعالعان.
– 29 شىلدەدە شامامەن ساعات 13:00-دە اقتاۋ قالاسىنىڭ پوليسيا باسقارماسىنا شاعىم كەلىپ ءتۇستى. وندا بەلگىسىز ەر ادامنىڭ بالالار الاڭقايىندا ويناپ جۇرگەن بالانى الىپ كەتكەنى ايتىلعان. ەر ادام بالانى ءۇيدىڭ كىرەبەرىسىنە كىرگىزىپ، زورلىق-زومبىلىق جاساماق بولعان. وقيعا ورنىنا پوليسيا ناريادى شىعىپ، كۇدىكتى ۇستالدى، – دەپ حابارلادى پوليسيا قىزمەتكەرلەرى.
كۋاگەرلەردىڭ ايتۋىنشا، ەر ادامنىڭ ىس-ارەكەتىن كورىپ، كورشىلەرى ونى قورقىتقان. كۇدىكتى قاشۋعا تىرىسقانىمەن، قىزدىڭ كورشىسى ونى قۋىپ جەتىپ، پوليسيا كەلگەنشە ۇستاپ تۇرعان.
پىكىر قالدىرۋ