قازاقستاننىڭ مەملەكەتتىك باس سانيتار دارىگەرىنىڭ جاڭا قاۋلىسىنا ساي، قازاقستاندىقتار جابىق نىساندارمەن بىرگە كوشەدە جانە كولىكتە ماسكا تاعىپ جۇرۋگە مىندەتتەلدى. بۇل تۋرالى قازاقپارات حابارلادى.
ەلدىڭ باس سانيتار دارىگەرى ايجان ەسماعامبەتوۆا 2020 جىلدىڭ 27 شىلدەسىندە «قازاقستان رەسپۋبليكاسىنىڭ مەملەكەتتىك باس سانيتارلىق دارىگەرىنىڭ 2020 جىلدىڭ 26 ماۋسىمىنداعى №43 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» جاڭا قاۋلىعا قول قويدى.
قاۋلىداعى ەرەجەگە ساي، ادامدار جابىق نىساندارمەن بىرگە كوشەدە جانە كولىكتە مىندەتتى تۇردە ماسكا تاعۋى ءتيىس. سونداي-اق قاۋلىدا COVID-19 اۋرۋىن جۇقتىرعان ادامعا كومەكتەسەتىن ساۋ ازاماتتارعا، كوروناۆيرۋس ينفەكسياسىنا ۇقساس اۋرۋ بەلگىلەرى پايدا بولعان جاعدايدا ماسكا تاعۋ مىندەتتەلگەن.
قاۋلىدا ايتىلعان تالاپ ساقتالماسا، كىنالىلەر اكىمشىلىك جاۋاپكەرشىلىككە تارتىلادى.
پىكىر قالدىرۋ