الەكسەي سوي 2020 جىلدىڭ 5 شىلدەسىندەگى "سانيتارلىق ەپيدەمياعا قارسى جانە سانيتارلىق-پروفيلاكتيكالىق ءىس-شارالاردى ۇيىمداستىرۋ مەن جۇرگىزۋدىڭ كەيبىر ماسەلەلەرى تۋرالى" تۋرالى بۇيرىققا مىناداي وزگەرىستەر ەنگىزدى:

– قوعامدىق ورىنداردا، حالىقتىڭ كەلۋىنە، ولارعا قىزمەت كورسەتۋگە جانە دەمالۋىنا ارنالعان ءۇي-جايلاردا، قوعامدىق كولىكتە مەديسينالىق نەمەسە ماتا ماسكالاردى كيۋ، بەس جاسقا دەيىنگى بالالاردى، سونداي-اق الەۋمەتتىك قاشىقتىقتى ساقتاي وتىرىپ، قوعامدىق تاماقتانۋ ورىندارىندا اس ىشەتىن جاعدايلاردى قوسپاعاندا، مىندەتتى بولىپ تابىلادى؛

– قوعامدىق ورىنداردا دالادا مەديسينالىق نەمەسە ماتا ماسكالاردى كيۋ، بەس جاسقا دەيىنگى بالالاردى جانە الەۋمەتتىك قاشىقتىقتى ساقتاي وتىرىپ، 5 ادامنان اسپايتىن جەكە، توپتىق سپورتپەن شۇعىلداناتىن ادامداردى قوسپاعاندا، مىندەتتى بولىپ تابىلادى.

ەلدىڭ باس مەملەكەتتىك سانيتار دارىگەرىنىڭ قاۋلىسى بويىنشا 30 شىلدەدەن باستاپ قازاقستاندىقتار دالادا ماسكا تاعىپ جۇرۋگە مىندەتتى.