قازاقستاننىڭ گرەك-ريم كۇرەسiنەن تۇڭعىش وليمپيادا چەمپيونى جاقسىلىق ۇشكەمپىروۆتى اقتىق ساپارعا شىعارىپ سالۋ راسىمىنە وتباسى مۇشەلەرى عانا قاتىسادى. بۇل تۋرالى مادەنيەت جانە سپورت مينيسترلىگىڭ باسپا ءسوز قىزمەتى حابارلادى.
"پاندەمياعا بايلانىستى جانە ادامداردىڭ جاپپاي جينالۋىنا جول بەرمەۋ ماقساتىندا جاقسىلىق ۇشكەمپىروۆتى جەرلەۋ راسىمىنە سپورتشىنىڭ جاقىن تۋىستارى عانا قاتىسادى. باستاپقىدا سپورتشىمەن قوشتاسۋ ءراسىمى الماتىداعى بالۋان شولاق اتىنداعى سپورت سارايىندا وتەدى دەپ جوسپارلاندى. الايدا قازىرگى جاعدايعا بايلانىستى مارقۇممەن قوشتاسۋ ءراسىمى ءبىر جىلدان كەيىن وتەتىن بولدى" دەلىنگەن حابارلامادا.
2 تامىزدا قازاقستاننىڭ گرەك-ريم كۇرەسiنەن تۇڭعىش وليمپيادا چەمپيونى، الەم چەمپيونى، قازاقستاننىڭ ەڭبەك ەرi، "بارىس"، "قۇرمەت"، "پاراسات" وردەندەرىنىڭ يەگەرى جاقسىلىق ۇشكەمپiروۆ قايتىس بولعان.