الماتىدا ەرىكتىلەر قۇرباندىققا شالىنعان ەتتى مۇقتاجدارعا تاراتۋعا كومەكتەسەدى. بۇل تۋرالى وڭىرلىك كوممۋنيكاسيا قىزمەتىنىڭ الاڭىندا وتكەن ونلاين- بريفينگ بارىسىندا، الماتى قالاسى ناۋرىزباي اۋدانىنىڭ «ءابۋ باكىر» مەشىتىنىڭ باس يمامى اسەت اتاشوۆ ايتتى.

كوروناۆيرۋس ينفەكسياسىنىڭ تارالۋىن بولدىرماۋ جانە تۇرعىندار قاۋىپسىزدىگىن ساقتاۋ ماقساتىندا، 31 شىلدە مەن 2 تامىز ارالىعىنداعى قۇرباي ايت مەيرامى كەزىندەگى قۇرباندىق شالۋ ءراسىمى ونلاين فورماتىندا وتەتىن بولادى. قۇرباندىق شالۋعا ءوتىنىشتى Qurban2020.kz پورتالىنا كىرۋ ارقىلى بەرە الاسىزدار. سول جەردەگى قاجەتتى جولاقتاردى تولتىرىپ، قۇرباندىققا شالاتىن مالدى تانداپ، اقشاسىن تولەۋ كەرەك. قۇرباندىق شالىنعاندىعى تۋرالى ەسەپ، تاپسىرىپ بەرۋشىگە جىبەرىلەتىن بولادى.

سونىمەن قاتار، سايت ارقىلى مۇقتاج جاندار ەتتى الۋعا ءوتىنىش تاستاي الادى. سونداي-اق اكىمدىكتە الەۋمەتتىك جاعىنان از قامتىلعان وتباسىلار ءتىزىمى بار. ولارعا ءوتىنىش بەرگەن- بەرمەگەنىنە قارماستان ەت بەرىلەتىن بولادى.

قيىن جاعدايدا قالعان ادامدارعا كومەك بەرۋ ماقساتىندا ارنايى شتاب قۇرىلعان بولاتىن.

"قۇرباندىققا شالىنعان ەتتەر مۇقتاج وتباسىلارعا بەرىلەتىن بولادى. بۇل ءۇشىن الماتىدا ارنايى شتاب قۇرىلدى. سونداي- اق ەرىكتىلەر دە بۇل قايىرىمدى ىسكە جۇمىلدىرىلدى"،- دەدى مەشىت يمامى اسەت اتاشوۆ.

الماتى قالاسى اكىمدىگى كارانتيننىڭ العاشقى كۇنىنەن باستاپ ( 16 ناۋرىز، 2020 جىل)، جاستار لوفت وتالىعىنىڭ بازاسىندا شۇعىل ەرىكتىلەر شتابىن قۇرعان بولاتىن. ونىڭ قۇرامىنا قالا ەرىكتىلەرى مەن مەديسينا جانە قوعامدىق مەكەمەلەر كىردى. شتابتىڭ نەگىزگى جۇمىسى- مۇقتاج جاندارعا كومەتكەسۋ. ەرىكتىلەر قاۋىپسىزدىگى ءۇشىن جەكە قورعاناتىن جاعداي جاسالدى ( ارنايى كيىمدەر، ماسكا، ستەريلدى قولعاپ، باحيلا، انتيسەپتيك). سونداي- اق ارنايى ترانسپورتپەن جانە تاماقپەن قامتاماسىز ەتىلدى.

ەرىكتىلەر كۇن سايىن ساعات 8.00- 20.00-گە دەيىن دەمالىسسىز جۇمىس جاسايدى. تەلەفون 8(727)279-16-91

"ەگەر ءبىز اۋىرىپ تۇرىپ كوشەگە شىقساق، اينالامىزعا ۇلكەن زيان كەلتىرەمىز"- الماتى قالاسىنىڭ يمامدارى كارانتين شارالارىن ساقتاۋعا شاقىردى
قالانىڭ وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين-بريفينگتە، الماتى قالاسىنىڭ ناۋرىزباي اۋدانى "ءابۋ باكىر" مەشىتىنىڭ باس يمامى اسەت اتاشوۆ، الماتى تۇرعىندارىن ەپيدەمياعا قارسى ەرەجەلەردى قاتاڭ ساقتاۋعا شاقىردى.

"ەگەر ءبىز ءبىر جەردە اۋرۋ شىققانىن ەستىپ تۇرىپ سول جەرگە بارساق، وندا وز-وزىمىزگە زيان كەلتىرەمىز دەگەن ءسوز. ال ەگەر اۋىرىپ تۇرىپ كوشەگە شىقساق، وندا وز-وزىمىزگە زيان كەلتىرەمىز. وزىڭە نەمەسە اينالاڭداعى ادامدارعا زيان كەلتىرۋ - كۇنا. سوندىقتان بارلىعىن سانيتارلىق تالاپتاردى ساقتاۋعا شاقىرامىن"،- دەدى اسەت اتاشوۆ.

ماسكا تاعىپ، اراقاشتىقتى ساقتاپ، ادام كوپ جينالاتىن جەرلەرگە بارۋدان باس تارتۋعا شاقىرامىن"،- دەدى يمام.

ەستەرىڭىزگە سالا كەتەيىك، الماتىدا ەپيدەميولوگيالىق ساقتىق شارالارى جان- جاقتى جۇرگىزىلىپ جاتىر. كوروناۆيرۋس ينفەكسياسىنىڭ تارالۋىن بولدىرماۋ ماقساتىندا، 31 شىلدە - 2 تامىز ارالىعىنداعى قۇربان ايت مەيرامى كەزىندە تومەندەگى شارالارعا تىيىم سالىنادى:

1) جەكە ءۇي اۋماعىندا، مەدرەسەلەردە، جەكە مەنشىك يەلىگىنە قاراماستان ادامداردى جيناپ، شارالار وتكىزۋ؛
2) مال سويۋ نەمەسە ۇيىمداستىرۋ، الماتى قالاسى اۋماعىندا كولىكپەن نەمەسە جەكە ءۇي شارۋاشىلىعىندا مال ساتۋ،
3)31 شىلدە - 2 تامىز ارالىعىندا الماتى قالاسىنىڭ ورتالىق مەشىتىمەن بىرلەسە وتىرىپ، ونلاين تۇردە قۇرباندىق شالاتىنداردى قوسپاعاندا، مال سوياتىن سەحتار مەن بازارلاردىڭ جۇمىسىن توقتاتىلادى؛