بۇگىن قازاقستاننىڭ گرەك-ريم كۇرەسiنەن تۇڭعىش وليمپيادا چەمپيونى جاقسىلىق ۇشكەمپىروۆتى سوڭعى ساپارعا شىعارىپ سالۋ ءراسىمى ءوتىپ، الماتىداعى كەڭساي زيراتىنا جەرلەندى. بۇل تۋرالى قازاقستان پرەزيدەنتىنىڭ باسپا ءسوز حاتشىسى بەرىك ءۋالي حابارلادى.
"بۇگىن اسا كورنەكتى مەملەكەت جانە قوعام قايراتكەرى، قازاقستاننىڭ ەڭبەك ەرى، وليمپيادا چەمپيونى جاقسىلىق اعا ۇشكەمپىروۆتى اقتىق ساپارعا اتتاندىردىق. كەڭسايعا قويىلدى.
اتى جامان دەرت تالاي اسىلىمىزدان ايىردى. ەندىگى قالعان جۇرتقا اللا اماندىق بەرسە ەكەن.
ماڭگىلىك مەكەنىندە بوز توبە بولىپ قالدى قايران ەر! باقۇل بولىڭىز، جاقسىلىق اعا!" دەپ جازدى ول الەۋمەتتىك جەلىدەگى پاراقشاسىندا.
پىكىر قالدىرۋ