ءبىلىم جانە عىلىم ءمينيسترى قاشىقتان وقىتۋ فورماتىندا باستالاتىن جاڭا وقۋ جىلىنا بايلانىستى تىڭ جاڭالىقتارمەن ءبولىستى.

ورتا ءبىلىم بويىنشا شالعايداعى ەلدى مەكەندەردەگى شاعىن جيناقتالعان مەكتەپتەر ەپيدەميولوگيالىق احۋال جاقسى بولعان جاعدايدا وقۋدى ءداستۇرلى تۇردە باستايدى.

باستاۋىش سىنىپتاردا اتا-انالاردىڭ ءوتىنىشى بويىنشا قاتاڭ سانيتارلىق تالاپتاردى ساقتاي وتىرىپ، كەزەكشى سىنىپتار جۇمىس ىستەيتىن بولادى. ءبىر سىنىپتا بالا سانى 15-تەن اسپايدى. كەزەكشى سىنىپتارعا وتىنىشتەر ەلەكتروندى تۇردە (سىنىپ جەتەكشىسى ارقىلى) قابىلدانادى.

قاشىقتان وقىتۋ فورماتىندا – 2،6 ملن (79%)، كەزەكشى سىنىپتاردا – 530 مىڭ (17%)، شتاتتىق تۇردە اۋىلداردا 157 مىڭنان استام وقۋشى (4%) ءبىلىم الادى دەپ جوسپارلانعان.

مەكتەپكە دەيىنگى ۇيىمداردا اتا-انالاردىڭ قالاۋى بويىنشا بالالار كەزەكشى توپتارعا قابىلدانادى. بۇل توپتاردا بالا سانى 15-تەن اسپاۋعا ءتيىس.

قوسىمشا ءبىلىم بەرۋ ۇيىمدارىندا بالالار اتا-انالاردىڭ ءوتىنىشى نەگىزىندە قاشىقتان نەمەسە جەكە تارتىپپەن ۇيىمداستىرىلادى. شاعىن توپتارداعى بالا سانى 5-تەن اسپاۋى ءتيىس.

ارنايى ءبىلىم بەرۋ ۇيىمدارى اتا-انالاردىڭ تاڭداۋى بويىنشا ارنايى ونلاين كەڭەس بەرۋ نەمەسە مامانداردىڭ جەكە قابىلداۋلارى ۇيىمداستىرىلادى. دەنساۋلىعىندا كۇردەلى پروبلەمالارى بار بالالاردى قابىلداۋ الدىن الا جازىلۋ تارتىبىمەن جەكە جۇرگىزىلەدى.