ەلدەگى جاعدايعا بايلانىستى "رۋحاني جاڭعىرۋ" باعدارلاماسىنىڭ "تۋعان جەر" باعىتى بويىنشا اۋدان تۇرعىندارى مەن اتقامىنەر ازاماتتارى يگى باستاما كوتەرىپ، مەديسينالىق مەكەمەلەرگە قولداۋ كورسەتۋ شارالارىن باستاپ كەتتى.

ءۇرجار اۋداندىق ءماسليحاتىنىڭ دەپۋتاتى، كاسىپكەر اقپەكوۆ مۇحامەتحاننىڭ مۇرىندىق بولۋىمەن جانە اۋدانداعى كاسىپكەر ازاماتتاردىڭ قولداۋىمەن "ءۇرجارعا كومەك" اتتى قايىرىمدىلىق  قورى قۇرىلىپ، جينالعان قاراجاتقا 20 ملن. تەڭگەنىڭ قۇرال-جابدىقتارى مەن دارى-دارمەكتەرى اۋرۋحانالارعا تاراتىلدى. سونىمەن قاتار وسى اۋداننان شىققان مەسەنات، "اتامۇرا" كورپوراسياسىنىڭ پرەزيدەنتى راحىمعالي ابرار ۇلى قۇل-مۇحاممەد  ماقانشى اۋدانارالىق اۋرۋحاناسىنا جالپى قۇنى 10 ملن. تەڭگە تۇراتىن وتتەگى كونسەنتراتتارىن، قورعانىش قۇرالدارىن سىيعا تارتىپ، 1 ملن.تەڭگە قاراجاتتى "ءۇرجارعا كومەك" قورىنا اۋداردى. اۋدان تۋماسى، كاسىپكەر قۇسمان شالابايەۆ تا بۇل باستامادان شەت قالماي، 1 ملن. تەڭگە كولەمىندە قارجىلاي قولداۋ كورسەتتى. يگى باستاماعا اۋداننان شىققان سپورتشىلار دا ۇلەستەرىن قوسۋدا. اتاپ ايتساق پالۋان اسەت مامبەتوۆ تۋعان جەرى التىنشوقى اۋىلىنىڭ تۇرعىندارىنا دارى-دارمەكتە الىپ بەردى. كولدەنەڭ اۋىلىنداعى "يۋبيلەينىي" ج ش س سەرىكتەستىگى تارىپىنان ءۇرجار اۋىلىندا ورنالاسقان اۋدانارالىق اۋرۋحانانىڭ  پروۆيزورلىق  بولىمىندە ەم قابىلداپ جاتقان ازاماتتاردىڭ دەنساۋلىعىن كوتەرۋ ماقساتىندا قوماقتى مولشەردە قىمىز جانە ەت ونىمدەرى تابىس ەتىلدى.  "جۇمىلا كوتەرگەن جۇك جەڭىل" دەگەن  ناقىلدى تۋ  ەتكەن اۋدان ازاماتتارى بۇگىنگى كۇنگە دەيىن 12 اۋىلدىق وكرۋگتە، اتاپ ايتساق: ءۇرجار، ماقانشى، التىنشوقى، ەلتاي، جوعارعى ەگىنسۋ، كوكوزەك، قاراقول، تاسكەسكەن، باقتى، قابانباي، قاراتۇما اۋىلدارىندا ورنالاسقان مەديسينالىق مەكەمەلەرگە جالپى سوماسى 40 ملن. تەڭگەگە جۋىق قاراجاتتىڭ مەديسينالىق قۇرال-جابدىقتارى مەن دارى-دارمەكتەرىن تابىس ەتتى. سونىمەن بىرگە "حالىقتان حالىققا" قايىرىمدىلىق قورى دا ءۇرجارلىقتارعا دەمەۋشىلىك كورسەتىپ، مەديسينالىق قۇرىلعىلار مەن دارى-دارمەكتەر تۇرىندەگى كومەكتەرىن بەرۋدە.

الداعى ۋاقىتتا بۇل باعىتتاعى جۇمىستارى جالعاسىن تابادى.